प्रतिनिधिसभा निर्वाचन

नवलपरासी क्षेत्र नं २ मा थापा नेपाली कांग्रेसको आधिकारीक उम्मेदवार

सेतोमसी
माघ ८, २०८२ बिहिवार

नवलपरासी क्षेत्र नं २ मा थापा नेपाली कांग्रेसको आधिकारीक उम्मेदवार

अ +
अ
अ -

नवलपरासी । नवलपरासी क्षेत्र नम्बर २ मा देखिएको कांग्रेस उम्मेदवारी विवाद सल्टिएको छ । कांग्रेसको आधिकारिक उम्मेदवारको रुपमा भिमबहादुर थापा (भरत) ले टिकट पाएपछि उम्मेदवारीको विषयमा रहेको विवाद सल्टिएको हो ।

कांग्रेसको उम्मेदवारको रुपमा थापाले जिल्ला निर्वाचन अधिकृतको कार्यालयमा पुगेर पहिलो उम्मेदवारी दर्ता गराएका थिए भने त्यस लगत्तै देबेन्द्रराज कँडेलले समेत कांग्रेसको उम्मेदवारको रुपमा उम्मेदवारी दिएपछि विवाद भएको थियो । थापाभन्दा पछि गएका कँडेलको उम्मेदवारीलाई निर्वाचन अधिकृतको कार्यालयले दर्ता नम्बर उल्लेख नगरी क्रमसंख्या मात्र राखेर कायम गरेको थियो ।

उम्मेदवारी विवादपछि आयोगले पहिलो दर्ता गर्नेलाई आधिकारिकता दिएपछि थापाको उम्मेदवारी कायम भएको हो । थापाको उम्मेदवारी कायम भएसँगै कँडेलको उम्मेदवारीलाई आयोगले रद्द गरिदिएको छ ।

कँडेल निवर्तमान केन्द्रीय सदस्य एंव पूर्वगृहराज्यमन्त्री समेत हुन् । थापा सुनवल नगरपालिकाका पूर्व मेयर हुन् । नेपाली कांग्रेसबाट सातौं पटक उम्मेदवार हुने तयारी गरेका कँडेल ढिलो गरी दर्ता गराउँदा उम्मेदवारी रद्द भएको हो ।

यसअघि भएका ६ वटा निर्वाचन मध्ये २०५१, २०५६ र २०७४ मा जीत हासिल गरेका थिए । उनी २०७९ को चुनावमा राप्रपाका धुव्रबहादुर प्रधानसँग १६ हजार बढी मतले पराजित भएका थिए । कँडेल २०६४ र २०७० सालको निर्वाचनमासमेत पराजित भएका थिए ।