नयाँ दल गमलाका फूल हुन्, २-४ दिनमा ओइलिन्छन् : न्यौपाने

सेतोमसी
माघ १५, २०८२ बिहिवार

नयाँ दल गमलाका फूल हुन्, २-४ दिनमा ओइलिन्छन् : न्यौपाने

अ +
अ
अ -

देवदह । नेकपा एमालेबाट रुपन्देही क्षेत्र नं १ का उम्मेद्धार दधिराम न्यौपानेले नयाँ दल गमलाका फूल भएको र २-४ दिनमा ओइलिने बताएका छन् । बिहिवार पार्टीको तिलोत्तमा ११, १२, १० र १७ तथा देवदह नगरपालिका १ र २ को विस्तारित भेलालाई सम्बोधन गर्दै उनले एमाले पुस्तौं-पुस्ताको पार्टी भएको दावी गरे ।

'नयाँ दलहरु गमलाको फूल जस्तै हुन्, फुुल्ले बेलासम्म राम्रो देखिएपनि आयु २-४ दिनको मात्र हुन्छ ।' उनले भने, अहिले बजारमा चलेको हल्लाको पछि नलाग्नु होस् ।'

उनले एमालेको सरकारले मात्र रोहिणीमा पुल र जलाधार निर्माण गर्न सक्ने बताए । आफुले जितेपछी आम रुपन्देही क्षेत्र न १ का जनताको भावनालाई सम्बोधन गर्ने दावी गर्दै उनले कसैलाई पनि निरास हुन नदिने बताए ।

तिलोत्तमा ११, १०, १२, १७ र देवदह नगरपालिका १ र २ शाखा कमिटीको विस्तारित भेलाले निर्वाचन परिचालन संगै विभिन्न जिम्मेवारी समेत बाडफाड गरेको पार्टीले जनाएको छ । विस्तारित भेलाले निर्वाचन परिचालन, युवा परिचालन, विद्यार्थी परिचालन, महिला परिचालन, कार्यालय व्यवस्थापन, जनप्रतिनिधि समन्वय लगायतका विभिन्न उपसमिति गठन गरिएको पार्टीका रुपन्देही क्षेत्र नं १ का सचिव सुरेन्द्र श्रीले जानकारी दिए ।