धनुषवाण प्रतियोगितामा देवदह धनुषवाण क्लब प्रथम

सेतोमसी
माघ २७, २०८२ मंगलवार

धनुषवाण प्रतियोगितामा देवदह धनुषवाण क्लब प्रथम

अ +
अ
अ -

देवदह । देवदहमा जारी तिन दिवसीय धनुषवाण प्रतियोगिताको उपाधि देवदह धनुषवाण क्लबले जितेको छ । प्रतियोगितामा सर्वाधिक अंक प्राप्त गर्दै आयोजक संस्था देवदह धनुषवाण क्लबको समूह 'ए' प्रथम भएको क्लबका अध्यक्ष लक्ष्मण सिंजिकाले जानकारी दिए ।

प्रतियोगितामा आयोजक समूहकै समूह 'बि' द्धितीय भएको छ भने सैनामैना आर्चरी क्लब तृतीय हुन सफल भएको छ ।

देवदहकै यम बहादुर पुर्जाले बेस्ट सुटरको उपाधि प्राप्त गर्दा बेष्ट खोलेको उपाधि थकाली युवा समिति बुटवलका कृष्ण शेरचनले पाएका छन् ।

प्रतियोगितामा प्रथम हुनेलाई २० हजार, द्धितीय हुनेलाई १५ हजार र तृतीय हुनेलाई १० हजार रुपैयाँ नगदसहित पुरस्कृत गरिएको छ । उत्कृष्ट शट र उत्कृष्ट खोलेलाई पनि नगद पुरस्कारसहित सम्मान गरिएको आयोजकले जनाएको छ ।

प्रतियोगितामा पाल्पा, गुल्मी, अर्घाखाँची, स्याङ्जा, कपिलवस्तु, रुपन्देही र नवलपरासीका ७० जना खेलाडी सहभागी थिए ।

सैनामैना आर्चरी क्लब, अरनिको आर्चरी, थकाली सेवा समिति, गुल्मी झापाक आर्चरी क्लब, छन्त्याल आर्चरी क्लब लगायतले प्रतियोगितामा संस्थागत रुपमै सहभागिता जनाएका थिए ।

वि. सं. २०४० देखि नै अग्रजहरुले देवदहमा खेल्दै आएको धनुषबाण खेल २०६० बाट प्रतियोगिताको रूपमा संचालन हुँदै आएको छ ।

२०८० मा गठन भएको देवदह आर्चरी क्लबले हरेक वर्ष प्रतियोगिता संचालन गर्दै आएको छ ।