अन्तर्राष्ट्रिय

एयर इण्डियालाई एक करोड जरिवाना

सेतोमसी
फाल्गुण २, २०८२ शनिवार

अ +
अ
अ -

काठमाडौँ । भारतको नागरिक उड्डयन महानिदेशालयले हवाई सुरक्षा नियमको गम्भीर उल्लङ्घन गरेको ठहर गर्दै एयर इण्डियामाथि एक करोड रुपैयाँ जरिवाना लगाएको छ । जाँचका क्रममा एयरलाइन्सको एयरबस ए ३२० विमानले अनिवार्य एयरवर्दीनेस रिभ्यु सर्टिफिकेट (एआरसी) बिना नै आठ पटक उडान भरेको पाइएपछि जरिवाना गरिएको हो ।

नियामकले यसलाई सामान्य प्राविधिक त्रुटि नभई नियामकीय पालना कमजोर भएको गम्भीर लापरवाही ठहर गरेको छ । साथै कम्पनीका सीईओ क्याम्पबेल विल्सनलाई समेत जिम्मेवार मानिएको छ।

एयर इन्डियाले भने उक्त घटना सन् २०२५ मा स्वयं रिपोर्ट गरिएको र सबै कमजोरीहरू सच्याइसकिएको जनाएको छ । एआरसी विमानको प्राविधिक अवस्था र सुरक्षा मापदण्ड पुष्टि गर्ने अनिवार्य प्रमाणपत्र भएकाले यसको बिना उडान सञ्चालन यात्रु सुरक्षासँग जोडिएको ठूलो जोखिम मानिन्छ ।