काठमाडौँ । भारतको प्रसिद्ध आइपिएल फ्रेन्चाइजी रोयल च्यालेन्जर्स बैंगलुरु (आरसिबी) नयाँ लगानी समूहलाई बिक्री भएको छ । करिब १७८ करोड अमेरिकी डलरमा यो टोलीको पूर्ण स्वामित्व आदित्य बिरला समुहले किनेको हो ।
युनाइटेड स्पिरिट्स लिमिटेडले आदित्य बिरला समुहसहितको संयुक्त समूहले आरसिबीलाई किनेको हो । उक्त समूहमा टाइम्स अफ इन्डिया समूह, बोल्ट भेन्चर्स र ब्ल्याकस्टोनको लगानी रणनीति पनि समावेश छन् ।
सम्झौतापछि पुरुष र महिला दुवै टोली अब नयाँ समूहले सञ्चालन गर्नेछ । यसअघि यी टोलीहरू रोयल च्यालेन्जर्स स्पोर्ट्स प्राइभेट लिमिटेडमार्फत सञ्चालन हुँदै आएका थिए ।
सन् २०२१ मा भारतीय क्रिकेट नियन्त्रण बोर्डले लखनउ र अहमदाबाद टोली बेच्दा प्राप्त कुल रकमभन्दा पनि यो रकम बढी हो । हाल रोयल च्यालेन्जर्स बैंगलुरु पुरुष र महिला दुवै प्रतियोगितामा साविक विजेता टोली हुन् ।
यसअघि डियाजियोले क्रिकेट आफ्नो मुख्य व्यवसाय नभएको भन्दै लगानी पुनरावलोकन गरिरहेको जनाएको थियो र यो कारोबार चालु आर्थिक वर्षभित्रै टुंग्याउने लक्ष्य राखेको थियो ।
अब यो सम्झौता कार्यान्वयनका लागि भारतीय क्रिकेट नियन्त्रण बोर्ड र प्रतिस्पर्धा आयोगको स्वीकृति आवश्यक पर्ने बताइएको छ ।
सन् २००८ मा आईपिएल सुरु हुँदा बैंगलुरु टोली ११ करोड १६ लाख डलरमा खरिद गरिएको थियो । त्यसपछि यसको मूल्य उल्लेख्य रूपमा बढ्दै आएको छ ।
नयाँ लगानी समूहले टोलीप्रति गर्व व्यक्त गर्दै मैदानभित्र र बाहिर दुवै क्षेत्रमा नयाँ उचाइमा पुर्याउने प्रतिबद्धता जनाएको छ ।
यसअघि राजस्थान रोयललाई पनि अमेरिकी मूलका व्यवसायी काल सोमानीले करिब १.६३ अर्ब अमेरिकी डलरमा किन्ने सम्झौता गरेका छन ।
आइपिएलको नयाँ सिजन आगामी शनिबारदेखि शुरु हुदैछ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
