लुम्बिनी पुर्वाधार प्राधिकरणका सिईयोद्वारा राजिनामा, 'कारवाही गर्ने तयारी थियो' : प्रबक्ता

सेतोमसी
चैत्र १५, २०७८ मंगलवार

लुम्बिनी पुर्वाधार प्राधिकरणका सिईयोद्वारा राजिनामा, 'कारवाही गर्ने तयारी थियो' : प्रबक्ता

अ +
अ
अ -

बुटवल । लुम्बिनी प्रदेश सरकारद्धारा गठित प्रदेश पुर्वाधार विकास प्राधिकरणका प्रमुख कार्यकारी अधिकृत अनन्तराम घिमिरेले राजीनामा दिएका छन् ।लुम्बिनी प्रादेशिक अस्पतालको ठेक्काको विषयलाई लिएर राजिनामा दिएको उनले राजिनामा पत्रमा उल्लेख गरेका छन् ।

प्रेस विज्ञप्ति मार्फत पदत्यागको घोषणा गरेका घिमिरेले आफुले राम्रो काम गर्दागर्दै आफुमाथि विभिन्न आरोप लगाईएकोले राजिनामा दिनुपरेको बताएका छन् ।

यता, पदको दुरुयोग गरेको निष्कर्षसहित लुम्बिनी प्रदेश सरकाले थप पदिय एवं आर्थिक अनियमिताको अनुसन्धानसँगै कारवाहीको तयारी गरिहरको बेलामा सिईयो घिमिरेले राजिनामा दिएको सरकारका प्रबक्ता तिलकराम शर्माले बताएका छन् ।

आफ्नो कमजोरीलाई ढाकछोप गर्न र नाटकीय ढंगबाट चोखिन घिमिरेले राजनीनामा दिएको प्रदेश सरकारका प्रबक्ताको भनाइ छ ।

घिमिरेले विभिन्न निर्माण तथा ठेक्का पक्रियामा ठेकेदारहरुसँग आर्थिक वार्गेनिङ गर्ने, आफूलाई कमिसन नआएमा निर्माणको काममा प्रभावित नै हुने गरी पदको दुरुपयोग गरेको भन्दै लुम्बिनी प्रदेश सरकारले करिव २ महिनायता उनका हरेक क्रियाकलाप नजिकबाट अनुसन्धान गरिरहेको प्रबक्ता शर्माले बताएका छन् ।

लुम्बिनी प्रदेश सरकारको गौरवको आयोजना अस्पताल लुम्विनी प्रादेशिक अस्पताल भवन निर्माण प्रक्रियामा सिइओ नै अनियमितता र मिलोमतोको गरी कुरा नमिलेपछि ठेक्कालाई प्रभावित बनाएको र आफू फस्ने भएपछि घिमिरेले राजिनामा दिएको प्रबक्ता शर्माको आरोप छ ।

घिमिरेले चैत १२ गते दिउसो प्रेस नोट लेखर राजीनामा दिएका हुन् । घिमिरेद्वारा जारी गरिएको प्रेस विज्ञप्ति :