नवलपरासी । नेपाल कम्युनिष्ट पार्टी एमाले सुनवल नगर कमिटीले आगामी स्थानीय निर्वाचनका लागि प्रमुख र उपप्रमुख पदका उम्मेद्धारको अन्तिम टुङ्गो लगाउन प्रदेश कमिटिलाई नाम सिफारिस गरेको छ ।
एमाले पार्टी निकट स्रोतका अनुसार सुनवल बाट नगर प्रमुखमा तिन जना र उपप्रमुखमा ४ जनाको नाम सिफारिस गरिएको छ । प्रमुखमा सुनवल नगरपालिकाका वर्तमान कार्यवहाक मेयर दधिराम अर्याल, एमाले केन्द्रिय सदस्य समेत रहेकी बिमला अर्याल र एमाले सचिवालय सदस्य तथा उद्योग वाणिज्य संघका अध्यक्ष केशव भण्डारीको नाम सिफारिस गरिएको छ ।
यता उपप्रमुखमा सुर्य दुवे, लेखनाथ खरेल, सरस्वती सुवेदि र तारा आचार्यको नाम सिफारिस भएको स्रोतले जनाएको छ ।
पार्टिका नेताहरु अझै पनि अन्य दल संगको छलफलमै रहेकाले आवश्यकताका आधारमा नामावली हेरफेर हुन सक्ने भएकाले अहिले नाम सार्वजनिक गर्न नमिल्ने एमालेले नेताहरुले बताएका छन् ।
एमालेले गाँउपालिका र नगरपालिकाका प्रमुख र उपप्रमुखको उम्मेद्धारीको अन्तिम टुंगो जिल्लाको रायको आधारमा प्रदेशबाट गर्ने व्यवस्था गरेको छ ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)