ह्यारी केनले दोस्रो पटक जिते युरोपेली गोल्डेन बुट

सेतोमसी
जेठ ११, २०८३ सोमवार

ह्यारी केनले दोस्रो पटक जिते युरोपेली गोल्डेन बुट

अ +
अ
अ -

काठमाडौँ । बायर्न म्युनिखका फरवार्ड ह्यारी केनले युरोपेली गोल्डेन बुट जितेका छन् । उनले सन् २०२५-२६ सिजनमा जर्मन लिगमा ३६ गोल गर्दै प्रतिष्ठित पुरस्कार दोस्रो पटक आफ्नो नाममा पारेका हुन् ।

इङ्ग्ल्यान्डका कप्तान समेत रहेका केनले उत्कृष्ट प्रदर्शन गर्दै म्यानचेस्टर सिटीका इर्लिंग हालाण्ड र रियल म्याड्रिडका किलियन एम्बाप्पेलाई पछि पारे छन् । हालाण्डले २७ गोल गरेका थिए भने रियल मड्रिडका एमबाप्पेले २५ गोलमा सिजन टुङ्ग्याएका थिए ।

केनको गोलक्षमताले बायर्नलाई उपाधि होडमा बलियो बनाएको थियो । टोटेनह्याम छाडेर जर्मनी पुगेपछि उनले जर्मन फुटबलमा सहज रूपमा आफूलाई स्थापित गरेका छन् ।

३२ वर्षीय केनको यो सफलतापछि युरोपेली फुटबलका महान् अग्रपङ्क्तिका खेलाडीमध्ये उनको स्थानबारे फेरि चर्चा सुरु भएको छ । लगातार उत्कृष्ट प्रदर्शन गरिरहेका उनले आफू विश्व फुटबलका भरपर्दा गोलकर्तामध्ये एक रहेको प्रमाण फेरि दिएका छन् ।