काठमाडौँ । न्युयोर्क सहरका मेयर जोहरान ममदानीले इरान युद्धको विरोध गर्दै अब यो संघर्ष अन्त्य हुनुपर्ने बताएका छन् ।
सामाजिक सञ्जाल एक्समा प्रतिक्रिया दिँदै उनले तीन महिनाअघि कसैको स्वीकृतिबिना युद्ध सुरु गरिएको र त्यसको सबैभन्दा ठूलो मूल्य आम नागरिकले चुकाइरहेको बताएका हुन् ।
ममदानीका अनुसार युद्धका कारण हजारौँ सर्वसाधारणले ज्यान गुमाइसकेका छन् । साथै १३ अमेरिकी सैनिकको पनि मृत्यु भएको भन्दै उनीहरू अब कहिल्यै आफ्नो परिवारकहाँ फर्किन नसक्ने उल्लेख गरेका छन् ।
उनले युद्धको असर केवल युद्धग्रस्त क्षेत्रमा सीमित नरहेको भन्दै अमेरिकाका सर्वसाधारण नागरिकसमेत प्रभावित भइरहेको बताएका छन् । पेट्रोलियम पदार्थ तथा दैनिक उपभोग्य वस्तुको मूल्य बढेकाले मध्यम र श्रमिक वर्गका परिवारको आर्थिक अवस्था थप दबाबमा परेको उनको भनाइ छ ।
ममदानीले अमेरिकी संसदको स्वीकृतिबिना युद्ध सुरु गरिएको आरोपसमेत लगाएका छन् । विदेशमा ज्यान गुमाउने प्रत्येक व्यक्ति र अमेरिकाभित्र आम परिवारमाथि थपिएको आर्थिक भार एउटै गैरजिम्मेवार निर्णयको परिणाम भएको उनले बताएका छन् ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
