बुटवल । रुपन्देही तिलोत्तमा नगरपालिका-१० मैनिहवामा घरायसी विवादका क्रममा बाबुले चक्कु प्रहार गर्दा घाइते भएका छोराको उपचारका क्रममा मृत्यु भएको छ ।
चक्कु प्रहारबाट गम्भीर घाइते भएका सोही ठाउँ बस्ने २१ वर्षीय सरोज चौधरीलाई क्रिमसन अस्पतालमा सामान्य उपचात पछि थप उपचारका लागि मेडिकल कलेज भैरहवा पठाइएकोमा उपचारकै क्रममा साँझ मृत्यु भएको हो ।
बिहिबार विहान सरोज आफ्नै घरको सिँढीबाट लड्दा जमिनमा रहेको चक्कुले ढाडमा काटेर घाइते भएको भन्ने सूचना क्रिमसन अस्पताल, मणिग्रामबाट प्राप्त भएको थियो ।
सोही सूचनाका आधारमा घटनास्थल पुगेको प्रहरीको प्रारम्भिक अनुसन्धानका क्रममा भने घरायसी विवाद हुँदा सरोजका बुबा अन्दाजी ४५ वर्षीय सहसराम चौधरीले चक्कु प्रहार गरेको खुलेको हो ।
चक्कु प्रहार गर्ने सहसराम चौधरीलाई नियन्त्रणमा लिइ घटनाबारे थप अनुसन्धान भइरहेको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
