काठमाडौँ । हलिउडको चर्चित सुपरहिरो चलचित्र सिरिज 'ब्ल्याक प्यान्थर' को तेस्रो भाग निर्माणको तयारी सुरु भएको छ । निर्माण पक्षले आगामी चलचित्र 'ब्ल्याक प्यान्थर ३' मा अभिनेता डेभिड जोनसन मुख्य भूमिकामा देखिने घोषणा गरेको छ ।
मार्भलले एक कार्यक्रममा फिल्मको घोषणा गर्दै सन् २०२८ डिसेम्बर १५ मा प्रदर्शन हुने चलचित्रमा डेभिड जोनसनले टी'चालाका छोरा प्रिन्स टी' चाला द्वितीय को भूमिका निर्वाह गर्नेछन् । चलचित्रको कथा यही पात्रको वरिपरि केन्द्रित रहने जनाइएको छ ।
डेभिड जोनसन यसअघि सन् २०२२ मा प्रदर्शन भएको 'ब्ल्याक प्यान्थर : वाकान्डा फरेभर' मा टी'चालाका छोराको बाल पात्रका रूपमा देखिएका थिए ।
तेस्रो भागमा निर्देशक रायन कुगलर पुनः निर्देशनमा फर्किनेछन् । त्यस्तै अभिनेत्री लेटिसिया राइट ले शुरी र अभिनेता विन्स्टन ड्युक ले एम'बाकुको भूमिकालाई निरन्तरता दिनेछन् ।
सन् २०१८ मा प्रदर्शन भएको पहिलो 'ब्ल्याक प्यान्थर' चलचित्रमा अभिनेता चाडविक बोसम्यान ले टी'चाला अर्थात् ब्ल्याक प्यान्थरको अविस्मरणीय भूमिका निर्वाह गरेका थिए । तर सन् २०२० मा ४३ वर्षको उमेरमा आन्द्राको क्यान्सरका कारण उनको निधन भएको थियो ।
त्यसपछि सन् २०२२ मा प्रदर्शन भएको 'ब्ल्याक प्यान्थर : वाकान्डा फरेभर' मा लेटिसिया राइटले शुरीको भूमिकामार्फत ब्ल्याक प्यान्थरको जिम्मेवारी सम्हालेकी थिइन् ।
अब भने सिरिजको तेस्रो चलचित्रमा नयाँ पुस्ताको प्रतिनिधित्व गर्दै डेभिड जोनसनले ब्ल्याक प्यान्थरको भूमिका निभाउनेछन् ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology