शिल्पी थिएटरमा नाटक "त्रयम्": तीन महिलाको "त्रिकोणात्मक कथा"

रेशम अधिकारी
जेठ २५, २०७९ बुधवार

शिल्पी थिएटरमा नाटक "त्रयम्": तीन महिलाको "त्रिकोणात्मक कथा"

अ +
अ
अ -

रेशम अधीकारी, काठमाडौं । किंग्स कलेजको प्रस्तुतिमा शिल्पी थिएटर बत्तीसपुतलीमा नाटक ‘त्रयम्’ मन्चन भईरहेको छ । दिलिप रानाभाटको लेखन एवम् निर्देशन रहेको नाटक ‘त्रयम्’ जेठ २० गते देखि नियमित मन्चन भईरहेको छ ।

रोनिशा सिंहको सहायक निर्देशन रहेको नाटकमा रशिला मगर, अनिशा कुंवार, फुर्ललामु तामांग, सैलेशा राना, अनकुल सुबेदी, अनिश कटुवाल, सुमित घिमरे लगायतका कलाकारहरुको अभिनय रहेको छ । नाटक उत्पादनमा दिक्षित भट्ट,आलोक लम्साल र सगुन खड्काको मुख्य भूमिका रहेको छ ।

नाटकको कथासार:
नाटक "त्रयम्" अर्थात् बिहान्, दिउँसो, साझ, अर्को अर्थ भुत, बर्तमन र भविस्य, यो समाजमा रहेका तीन प्रकारका महिला प्रतिनिधि पात्रका माध्यमबाट समाजमा हुने महिला हिँसा, पुरुषवादी सोच र पुरुषार्थसंग सम्बन्धित रहेको छ ।
नाटकमा कलाकारको अभिनय कुशलताबर कलात्मकता रहेको छ । नाटकका पात्र केवल नाटकका पात्रमात्र छैनन् उनिहरु वर्तमान समाजको वास्तविक प्रतिनिधि पात्रका रुपमा उभिएको देख्न सकिन्छ । समग्रमा नाटक `त्रयम्’ महिलाको पारीवारिक सम्बन्ध, महिलामाथि हुने यौन दुर्व्यवहार, एकल महिलाप्रति समाजको दृष्टिकोण प्रती उब्जिएको एक कथा हो भन्दा फरक नपर्ला ।
नाटकमा मनोरञ्जन र भावनात्मक दुवै प्रसङ्ग व्याप्त पाईनेछ ।

यस नाटकमा सुनिने गीत,गीतमा जीवनप्रतिको बोध भेटिन्छ । संगीत र नाटकको संयोजनले नाटकमा सुगन्ध थपिएको छ । नाटकमा जीवनका स–साना पक्षहरुलाई केलाई कलात्मक रुपमा प्रस्तुतिकरण गरिएको छ ।