काठमाडौँ । परराष्ट्रमन्त्री शिशिर खनाललाई माल्दिभ्सका विदेशमन्त्री इरुथिशाम आदमले टेलिफोन गरी नेपालप्रति गहिरो समवेदना र ऐक्यबद्धता व्यक्त गरेकी छन् ।
सोमबार दिउँसो टेलिफोन कुराकानीका क्रममा आदमले दुःखको यस घडीमा माल्दिभ्स सरकार र त्यहाँका जनताका तर्फबाट नेपाल सरकार तथा नेपाली जनताप्रति गहिरो समवेदना व्यक्त गर्दै ऐक्यबद्धता जनाएकी थिइन् ।
मन्त्री खनालले कठिन परिस्थितिमा नेपालप्रति माल्दिभ्स सरकार र जनताले देखाएको ऐक्यबद्धता तथा सहयोगप्रति गहिरो आभार व्यक्त गरेका थिए ।
दुवै विदेशमन्त्रीले जलवायु परिवर्तनबाट जोखिममा रहेका देशहरूले सामना गरिरहेका साझा चुनौतीका विषयमा समेत छलफल गरेको परराष्ट्र मन्त्रालयले जानकारी दिएको छ । उनीहरूले क्षेत्रीय तथा बहुपक्षीय मञ्चमार्फत जलवायु न्याय अघि बढाउन र जलवायु परिवर्तनविरुद्ध थप प्रभावकारी कदम चाल्ने प्रतिबद्धता दोहोर्याएका थिए ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)