कृष्ण अन्जान , बलेटक्सार । नेकपा एमालेका उपमहासचिव  प्रदिप कुमार ज्ञवालीले गठवन्धनकाे मनाेवैज्ञानिक डर बाट मुक्त हुन कार्यकर्तालाई आह्वान गरेका छन  ।
नेकपा एमाले रुरुक्षेत्र गाउँपालिकाकाे विस्तारित बैठकलाई सम्बाेधन गर्दै उपमहासचिव ज्ञवालीले एमालेले हार्याे भने देश र जनताले हार्ने बताउँदै कार्यकर्ताहरुलाई एक भएर सँघ र प्रदेशको निर्वाचनमा लाग्न अग्रह गरे ।
हामीले स्थानीय निकाएकाे निर्वाचनकाे समीक्षा गरिसकेका छौँ अब पछाडि फर्कनु भन्दा अगाडि बढेर निर्वाचनमा लाग्नु पर्ने बताए ।

गठवन्धनका नाममा काँग्रेसले आधासिटमा चित्त बुझाएकाे बताउनु हुँदै ज्ञवालीले समानुपातिक र प्रत्यक्ष गरेर एमालेले याे निर्वाचनमा १ सय पचास सिट प्राप्त गर्ने प्रारम्भिक अनुमान रहेकाे बताए ।

गुल्मी जिल्लामा करिब १६ अर्वकाे बजेटमा विभिन्न विकास आयाेजना ,सडक निर्माण तथा अन्य काम हरु आफ्नो कार्यकालमा भएकाे ज्ञवालीले दावि गरे ।

विस्तारित वैठकमा धारणा राख्दै नेकपा एमाले केन्द्रीय सल्लाहकार परिषदका  सदस्य कमल राज श्रेष्ठले  कार्यकर्ता इमानदारीका साथ निर्वाचनमा लाग्नु पर्ने बताउँदै व्यक्तिका लागि हाेईन नेकपा एमालेका लागि भाेट माग्नुपर्ने बताए ।
खेतिपातिकाे परिभाषा दिँदै नेता श्रेष्ठले गरे खेति नगरे पाति हुने बताउँदै पार्टीका लागि खेति भित्र्याउने गरि लाग्न आग्रह गरे ।
विस्तारित वैठकमा आफ्नो विचार राख्दै नेकपा एमाले गुल्मी जिल्ला अध्यक्ष वालशिँह काउछाले इमानदार भएर पार्टीको काममा लाग्न र आ आफ्नो ठाउँबाट एमालेकाे पक्षमा जनमत सिर्जना गर्न कार्यकर्ताहरुलाई निर्देशन दिए  ।
विस्तारित बैठकमा सहभागी पार्टी कार्यकर्ता र जनवर्गीय सँगठनका सदस्य हरुले अझै जनपक्षीय कामका साथ पार्टीलाई सुझाव दिएका छन ।
 एमाले रुरुक्षेत्र गाउँपालिकाका पार्टी अध्यक्ष फर्शुराम ज्ञवालीकाे अध्यक्षतामा भएकाे विस्तारित वैठककाे सन्चालन सचिव ताेय नारायण ज्ञवालीले गरेका थिए ।