देवदह । रुपन्देही क्षेत्र नं. १ को निर्वाचन अधिकृतको कार्यालयमा ४८ जना उम्मेदवारको मनोनयन दर्ता भएको छ । आइतबार भएको मनोनयन दर्तामा प्रतिनिधिसभामा २१ र प्रदेशसभामा ३२ जना उम्मेदवारको मनोनयन दर्ता भएको मुख्य निर्वाचन अधिकृत श्याम श्रेष्ठले बताए । जसमध्य प्रदेश अन्तर्गत १(१) मा ११ जना र १(२) मा १५ जना उम्मेदवारले मनोनयन दर्ता गरेका छन् ।
मनोनयन दर्ता भएका उम्मेदवारमध्य कति उम्मेदवार दलिय र कति उम्मेदवार स्वतन्त्र छन् भन्ने सेतोमसीको जिज्ञासामा श्रेष्ठले प्रमाणिकरणको काम जारी रहेकोले पछी मात्रै जानकारी दिन सक्ने बताए ।
रुपन्देही क्षेत्र नं. १ मा प्रतिनिधिसभाको लागि सत्ता गठबन्धनबाट बामपंथी नेता घनश्याम भुसाल, नेकपा एमाले र राप्रपाको गठबन्धनबाट पार्टी केन्द्रिय सचिव छविलाल विश्वकर्मा, स्वतन्त्र उम्मेदवार टिकाराम चापागाईं लगायतले मनोनयन दर्ता गरेका छन् ।
त्यसैगरी राष्ट्रिय जनमुक्ति पार्टी, नेशनल मंगोल अर्गनाइजेसन, जनमत पार्टी लगायतले यस क्षेत्रबाट उम्मेदवारी दिएका छन् ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology