रुपन्देही २ मा पुन:मतदानको माग गर्दै एमालेबाहेकका दलहरु प्रदर्शनमा

सेतोमसी
मंसिर ९, २०७९ शुक्रवार

रुपन्देही २ मा पुन:मतदानको माग गर्दै एमालेबाहेकका दलहरु प्रदर्शनमा

अ +
अ
अ -

रुपन्देहीको निर्वाचन क्षेत्र नम्बर २ को मतगणना अवरुद्ध भएको छ । प्रतिनिधि सभातर्फ ८१ हजार मतमध्ये अब ६ हजार मत गन्न बाँकी छ ।

सत्ता गठबन्धनमा आवद्ध दल र राष्ट्रिय स्वतन्त्र पार्टीले पुनः मतदानको माग गर्दै निर्वाचन अधिकृतलाई ज्ञापनपत्र समेत बुझाएका छन् । उनका अनुसार लुम्बिनी वाणिज्य क्याम्पस ‘ड’ बुथमा ३८८ जना महिला र पुरुष २४१ गरी ६२९ मत खसेको मुचुल्कामा उल्लेख भएको तर उक्त तथ्यांकलाई निर्वाचन कार्यालयको कम्युटरमा प्रविष्ट गर्ने समयमा महिलाको संख्या फरक पर्न गएको हो ।

मतदान गरेका महिलाको संख्या ३८८ हुनु पर्नेमा टाइपिङ फरक परी ५० मत कम देखिने गरी ३३८ लेखिएको रहेछ’, नेपालीले भने, ‘तर मतमेटिकामा र मुचुल्कामा उल्लेख गरिएको एकमुष्ट संख्या ६२९ नै मिल्न आएकाले अन्यथा सोच्नुपर्ने केही छैन ।’ कम्प्युटरमा प्रविष्ट गर्ने समयमा मानवीय त्रुटीका कारण फरक संख्या उल्लेख हुन गएको कुरा स्वीकार गर्दै निर्वाचन अधिकृत नेपालीले मतपेटिकामा भएको र मुचुल्कामा भएको संख्या नै सही भएको स्पष्ट पारे । रुपन्देही २ मा नेकपा एमालेका उम्मेदवार विष्णु पौडेल एक हजार बढी मतले अग्रता छ।