राजेश पराजुली, पोखरा कास्की प्रहरीले पोखरा महानगरपालिकाका विभिन्न स्थानबाट वृद्ध महिलाहरूलाई ललाई फकाई गरी सुनका गहना तथा नगद चोरी गर्ने घटना बढेको जनाएको छ ।
पछिल्लो क्रममा पोखराका विभिन्न स्थानमा घरमा कोही नभएको मौका पारी वृद्ध महिलाले कान तथा घाटीमा लगाएका गहना र कोठामा राखेका गरगहनाको साथमा नगद समेत चोरी गर्ने घटना बढेको उल्लेख गर्दै प्रहरीले त्यस्ता घटनाबाट पीडितलाई सम्पर्कमा आउन र अन्यलाई सचेत रहन आग्रह गरेको छ ।
यस प्रकारको चोरीमा महिला नै संलग्न रहेको पाइएको र हालसम्म पीडित ९ जनाले जिल्ला प्रहरी कार्यालय कास्कीमा जाहेरी दिएको प्रहरी निरीक्षक ज्ञान बहादुर खड्काले जानकारी दिए । खड्काका अनुसार पीडित ९ जनाबाट २७ लाख बराबरको गरगहना चोरी भएको हो ।
प्रहरीले हालै चोरीमा संलग्न रहेको आरोपमा सुनका गरगहनासहित एक महिलालाई पक्राउ गरेको खड्काले जनाएका छन् । उनका अनुसार पर्वत मोदी -०६ घर भई पोखरा -०४ गणेश टोल बस्ने ३४ वर्षीया टिका श्रेष्ठ चोरी गरेको धनमालसहित बुधबार पक्राउ परेकी हुन् ।
श्रेष्ठलाई चोरी तथा डाँका मुद्दामा जिल्ला अदालत कास्कीबाट पाँच दिन म्याद थप गरी अनुसन्धान अघि बढाएको प्रहरीले जनाएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
