घरेलु टोली यूएईमाथि नेपालको सानदार जित, युएईलाई पछि पार्दै नेपाल लिग टु को पाचौं स्थानमा

सेतोमसी
फाल्गुण २२, २०७९ सोमवार

घरेलु टोली यूएईमाथि नेपालको सानदार जित, युएईलाई पछि पार्दै नेपाल लिग टु को पाचौं स्थानमा

अ +
अ
अ -

पोर्टमोरेस्बी (पिएनजी) । आईसीसी क्रिकेट वर्ल्डकप लिग टूमा नेपालले घरेलुु टोली यूएईमाथि ४२ रनको सानदार जित हात पारेको छ । नेपाल दिएको २३० रनको लक्ष्य पछ्याउने क्रममा यूएई ४५ ओभरमा सबै विकेट गुमाउदै १८७ रनमै समेटिएको हो।

यसअघि नेपालले भीम सार्कीको ७०, आरिफ शेखको ४३, कुशल मल्लको ३२ र सन्दीप लामिछानेको २७ रनको मदतमा निर्धारित ५० ओभरमा ८ विकेट गुमाएर २२९ रन बनाएको थियो ।

नेपालका लागि सोमपाल कामी र दीपेन्द्रसिंह ऐरीले तीन-तीन विकेट लिए। त्यस्तै, करण केसी, आरिफ शेख र सन्दीप लामिछानेले एक-एक विकेट लिए।

आजको जितले युएई लाई पछि पार्दै नेपाल अंक तालिकामा एक स्थान माथि उक्लिएको छ।अब नेपाल अंक तालिकाको पाँचौ स्थानमा छ। नेपालको ३२ खेलमा ३२ अंक भएको छ ।

अब फागुन २५ गतेदेखि नेपालमा हुने ४ खेलमा जीत निकाल्न सके नेपाल शीर्ष ३ मा परेर सिधै विश्वकप क्वालिफायरमा पुग्ने छ भने थप २ जीत दर्ता गर्दा १ दिवसीय मान्यता जोगिने छ ।