इस्मामा सामुदायिक स्वास्थ्य इकाइ स्थापना

सेतोमसी
आषाढ ३, २०८० आइतवार

इस्मामा सामुदायिक स्वास्थ्य इकाइ स्थापना

अ +
अ
अ -

गुल्मी। गुल्मीको इस्मा गाउँपालिका वडा नं ४ को खगरेटामा सामुदायिक स्वास्थ्य इकाइ स्थापना गरिएको छ । सामान्य उपचारका लागि पनि १-२ घण्टा हिँडेर दाहोलि आउनुपर्ने खगरेटा र आसपासका नागरिकलाई खगरेटामै सामुदायिक स्वास्थ्य इकाइ स्थापना गरी उपचार दिन शुरु गरिएको इस्मा गाउँपालिकाकी उपाध्यक्ष अधिवक्ता पार्वती कुवँरले बताइन् ।

इकाइ स्थापना कार्यक्रममा उपस्थित स्थानीय रामबहादुर घर्तीले दाहोलि जानुपर्ने समस्या हटेको भन्दै खुसी व्याक्त गरे। उनले भने, 'एउटा सिटामोल लिन पनि २ घण्टा हिँडेर दाहोलि जानुपर्थ्या, अब त्यो समस्या हटेको छ,।'

त्यस्तै सामुदायिक स्वास्थ्य इकाइ उद्घाटन गर्दै गाउँपालिका अध्यक्ष भगतसिंह खड्काले चुनावमा बोलेको वाचा अनुसार काम गरेको बताए । उनले भने `हामीले चुनावमा खगरेटामा स्वास्थ्य इकाइ स्थापना गरी सामान्य उपचारका लागि दाहोलि जानुपर्ने बाध्यता हटाउँछौ भनेका थियौं, त्यही अनुसार गर्‍यौं ।'