देवदहमा बिपत उद्धार सामाग्री वितरण

सेतोमसी
आषाढ १६, २०८० शनिवार

अ +
अ
अ -

देवदह । रुपन्देहीको देवदह नगरपालिकाले बिपत उद्धार सामाग्री वितरण गरेको छ।

वर्षायाम सुरु भए सङ्गै नेपालका विभिन्न स्थान हरुमा भारी वर्षा भैरहेको छ। सो कुरालाई मध्यनजर गर्दै पुर्व तयारी सङ्गै देवदह नगरपालिकाले सो राहत सामाग्री आर्मी पुलिस फोर्स (एपिएफ), देवदह प्रहरी चौकी र नगर प्रहरीलाइ वितरण गरेको हो ।

देवदह नगरपालिकाकि उपप्रमुख विद्यालक्ष्मी गुरुङ्ग, नगर प्रवक्ता गणेश डुम्रे देवदह नगरपालिका वडा नं ६ का वडाध्यक्ष एवम देवदह नगरपालिका विपत व्यवस्थापन समिती संयोजक खेम थापा लगाएत अन्य जनप्रतिनिधिको रोहवरमा सो सामाग्री वितरण गरिएको थियो ।

अहिलेको अवस्थामा उच्च वर्षाका कारण धेरै ठाउमा प्राकृतिक विपत्ति आउने भएकाले पुर्व तयारी स्वरुपनै सो सामाग्री वितरण गरिएको नगरप्रवक्ता गणेश डुम्रेले बताए।

गैंती ३ थान, बेल्चा ४ थान, बनचरो १ थान, रेनकोट ५ थान, गमबुट स्टिल ५ थान, लाइफ ज्याकेट ५ थान, बकेट स्टिल २ थान, फायर एक्स्टिगिन्सर २ थान, सर्चिङ्ग लाइट १ थान इमर्जेन्सी लाइट १ थान, स्ट्रचर फोल्डिङ्ग १ थान, मेगा फोन ३ थान, हेडलाइट २ थान र ६ जना अट्ने क्याम्पिङ्ग टेन्ट सहित दुइलाख पचास हजार बराबरको सामाग्री वितरण गरिएको देवदह नगरपालिका विपत व्यवस्थापन समितिका संयोजक खेम थापाले जानकारी दिएका छन ।