श्रृङ्गा स्कुलको भवन निर्माणमा सहयोग गर्छु : प्रदेश अर्थमन्त्री मास्की

सेतोमसी
आषाढ २७, २०८० बुधवार

श्रृङ्गा स्कुलको भवन निर्माणमा सहयोग गर्छु : प्रदेश अर्थमन्त्री मास्की

अ +
अ
अ -

गुल्मी । लुम्बिनी प्रदेशका आर्थिक मामिला मन्त्री धन बहादुर मास्कीले यसै बर्ष श्रृङ्गा जना माध्यमिक विद्यालयलाई ४ कोठे भवन उपलब्ध गराउने प्रतिबद्धता व्यक्त गरेका छन ।

बुधबार विद्यालयको अवलोकन गर्न आएका मन्त्री मास्कीलाई, विद्यालयले स्वागत गरेको समारोहमा यस्तो प्रतिबद्धता ब्यक्त गरेक हुन । उनले सामुदायिक विद्यालयले ४ जीपीए अंक प्राप्त गर्नु उलेख्य उपलब्धी भएको बताउदै, ४ जीपीए प्राप्त गर्ने स्मृती कडेल, सफल सम्पुर्ण विद्यार्थी र विद्यालयलाई शुभकामना दिए ।

त्यसैगरी सोही कार्यक्रममा बोल्दै पूर्व सामाजिक बिकास मन्त्री एवं नेकपा माओबादी केन्द्र लुम्बिनी प्रदेशका अध्यक्ष सुदर्शन बलालले सामुदायिक बिद्यालयको उपलब्धी बृद्धीको लागि आफ्ना तर्फबाट हुनसक्ने पहल गर्ने बताए ।

छत्रकोट गाउँपालिका अध्यक्ष राम प्रसाद पाण्डेयले सामुदायिक विद्यालयको शैक्षिक सुधारको लागि गाउँपालिकाले पहल र लगानी गरिरहेको धारणा राख्दै यस कार्यमा प्रदेश सरकारको रचनात्मक सहयोगको अपेक्षा राखेको बताए ।

विद्यालय ब्यवस्थापन समितिका अध्यक्ष रामचन्द्र कडेलले विद्यालयको भौतिक आवस्यकताको बारेमा अवगत गराउदै विद्यालयको भौतिक बिकासको लागि प्रदेश सरकार बाट सहयोगको माग गरे ।

कार्यक्रममा प्रधानाध्यापक विकास चन्द्र खरेलले स्वागत गर्दै बिद्यालयको भौतिक र शैक्षिक प्रतिबेदन राखे । कार्यक्रम शिक्षक रमेश पन्थले संचालन गरेका थिए ।