सेतोमसी सहकर्मी
काठमाडौं - उपप्रधानमन्त्री एवम् गृहमन्त्री नारायणकाजी श्रेष्ठले त्रिभुवन अन्तर्राष्ट्रिय विमानस्थल हुँदै बाहिरिएको सुन तस्करी प्रकरणकाे अनुसन्धान गर्दै जरासम्म पुग्ने बताएका छन्।
सुन काण्डबारे बुझ्न आज भन्सार कार्यालय पुगेका गृहमन्त्री श्रेष्ठले भविष्यमा यस्ता घटना हुन नदिन योजना बनाउने र अनुसन्धान गरी जालाे केलाउने बताएका हुन्।
‘छानबिन र अनुसन्धानको प्रक्रियालाई यसको जरैसम्म पुग्ने गरी अगाडि बढाउनुपर्छ,’ मन्त्री श्रेष्ठले भने, ‘जस्तोसुकै र जसोसुकै भए पनि यसको नेक्सस र गुटमा पुग्ने गरी कारबाहीको प्रक्रिया अघि बढाउँछौं ।’ प्रधानमन्त्री पुष्पकमल दाहाल प्रचण्डसँग पनि यही विषयमा कुराकानी भएको उनले जानकारी गराए ।
भ्रष्टाचारको जरो उच्च राजनीतिक तहसम्म रहेको भन्ने चर्चा रहेको भन्दै पत्रकारले राखेको जिज्ञासामा मन्त्री श्रेष्ठले जुनसुकै पार्टीको भए पनि उन्मुक्ति नपाउने बताए । ‘भ्रष्टाचारको कुरा वा अपराधका घटनाका सम्बन्धमा अनुसन्धान गर्दाखेरि कुनै कोट, कुनै टार, कुनै पार्टी मलाई मतलब छैन,’ उनले भने ।
यसबारे अहिले छानबिन भइरहेको भन्दै उनले राज्यका अरु निकायहरुले पनि त्यसमा सघाउने विश्वास व्यक्त गरे ।
सेतोमसी सहकर्मी
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586
+977-9857057732
+9779857056296
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
प्रधान सम्पादक : विष्णु प्रसाद पोखरेल
प्रबन्ध सम्पादक : पूर्णप्रसाद पौडेल (पवन पौडेल)
सम्पादक : टक बहादुर सुनार (टंक सुनार)
Copyright © All right reserved to setomasi.com
Site By: SobizTrend Technology
.gif)