अनिष पन्थी गुल्मी लुम्बिनी प्रदेशका पूर्व सामाजिक विकास मन्त्री तथा गुल्मी क्षेत्र नम्बर १ को प्रदेश सभा ( क ) सांसद सुदर्शन बरालले मुख्यमन्त्री शंकर पोखरेल अल्पमतमा भएपछि पदमा रहन नमिल्ने बताएका छन् । मुख्यमन्त्री पोख्रेल अबैधानिक रहेको समेत स्पष्ट पार्नुभएको छ ।
प्रेस संगठन नेपाल गुल्मीले सदरमुकाम तम्घासमा आयोजना गरेको पत्रकार भेटघाट कार्यक्रम पाल्नुभएका सांसद एवं पुर्व मन्त्री बरालले यस्तो बताउनुभएको हो।
गुल्मीको गुल्मीदरबार गाउँपालिकाका अध्यक्ष तथा नेपाली काँग्रेसका नेता अशोक कुमार थापाको ७४ बर्षको उमेरमा भएको दु:खद निधनमा शोकका लागि गुल्मी आउनुभएका बरालले मृतक थापाप्रति श्रद्धाञ्जली प्रकट गर्दै थापाको घरपरिवार र नेपाली काँग्रेस गुल्मीलाई समवेदना प्रकट गर्नुभयो ।
नेता बरालले अहिलेको नेपालको राजनितिको बिषयमा कुराकानी गर्दै ब्याक्ति व्यक्तिको खराब
आचारणका कारण राजनितिक घटनाक्रमले फरक मोड लिएको बताउनुभयो ।
आफुसँग अल्पमत भएपछि विपक्ष बस्नुपर्ने र बहुमत भएपछि सत्तामा हुनुपर्ने भएपनि त्यसका लागि अदालत जानुपर्ने बाध्यताले खराब सन्देश दिने उनले स्पष्ट पारे ।
नेता बरालले प्रदेश मन्त्रीको हिसाबले प्रदेशभर र सांसद हुनुको हिसाबले आफु निर्वाचित क्षेत्रमा नागरिक सन्तुष्ट हुनेगरी काम गरेको समेत बताउनुभयो ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
