सन्तोष सुनार प्यूठान ।  प्यूठानमा सपर्दशं उपचार केन्द्रले १७  विरामीको उपचार गरेको छ । भदौदेखि जिल्लाको  स्वर्गारी नगरपालिका ९  लामाचौर कच्छारामा संचालित  सर्पदशं उपचार केन्द्रले सर्पले  डसेका प्यूठान तथा  रोल्पा जिल्लाका १७ जना विरामीको उपचार गरिसकेको  स्वर्गद्वारी नगरपालिकाका स्वास्थ्य प्रमुख दल बहादुर केसीले सेतोमोसीलाई जानकारी दिए ।

 सर्पले टोकेका विरामीहरुको उपचारका लागी कपिलबस्तुको  गोरसिङ्गे सर्पदशं उपचारबाट  हेमराज पौडेल र सम्झना थापाले तालिम लिई उनीहरुले नै अहिले उपचार  गर्ने गरेको तथा विरामीहरु आउदा  लामाचौरबाट दुईजना सेना  पनि आई उपचारमा सहयोग गरेको  केसिले बताए । 

हालसम्म उपचार भएका  विरामीहरुमा स्वर्गद्वारी नगरपालिकाका ८ जना, नगरपालिका प्यूठान  १ जना,  नौबहिनी गाउपालिका  १ जना, ऐरावति गाउपालिका  २ जना, मल्लरानी गाउपालिका  २ जना  र रोल्पाको ३ जना रहेका छन् । 

 विरामी आएपछि  सुरुमा  अक्जोररेक्सन राख्ने र कुन सर्पले टोकेको भनी लक्षणको आधारमा उपचार गर्ने गरेको  हेमराज पौडेलले बताए ।  सर्पले टोकेको विरामीहरुले श्वास फेर्न गाहे हुने, आखाको लोती खस्ने  तथा घाटी दुखेको समस्याहरु भएमा विषालु सर्पले टोकेको भनी  थाहा हुने  पौडेलले बताए ।  

विरामीलाई टि.टी खोप दिने र एन्टिभाइटममा दिने   गरिएको छ । विरामीहरु उपचार गर्दा हरियो सर्पहरुले  टोकेको विरामीहरुको उपचार गरिएको सम्झना थापाले बताइन ।  

जिल्ला एक मात्र सर्पदशंक  उपचार रहेकाले यसलाई सबै स्थानीय तहले व्यवस्थित र  सुदृढ बनाउन सहयोग गर्नुपर्ने  स्वर्गद्वारी नगरपालिकाका नगर प्रमुख टेक प्रसाद भण्डारीले बताए ।  यदि कसैलाई  सर्प टोकेपछि  डराउने  तथा  नआत्तिने र  उपचार हुन्छ भनी  मनमा साहस लिन विरामीलाई  नगरप्रमुख भण्डारीले आग्रह गरेका छन ।