बुटवल । लुम्बिनी प्रदेशको मुख्यमन्त्री नेकपा (एमाले) का चेतनारायण आचार्य बन्ने भएका छन् । यसअघि एमाले संसदीय दलका नेता लीला गिरी मुख्यमन्त्री बन्ने पक्कापक्कीजस्तै भए पनि एमाले केन्द्रको निर्देशनमा आचार्यलाई अघि बढाइएको हो ।
जोखबहादुर महरा नेतृत्वको सरकारमा आर्थिक मामिला मन्त्री रहेका आचार्यलाई पार्टीले निर्णय गरेर मुख्यमन्त्री बनाउन लागेको एमालेले पुष्टि गरेको छ । एमाले स्रोतका अनुसार आचार्यलाई मुख्यमन्त्री बनाउन पार्टी केन्द्रबाटै निर्देशन आएको हो । पार्टीका महासचिव शंकर पोखरेलको निर्देशनमा आचार्यलाई मुख्यमन्त्रीमा अघि सार्ने निर्णय भएको एमाले स्रोतले दावी छ ।
संसदीय दलका नेता लीला गिरी पार्टी उपाध्यक्ष विष्णु पौडेल निकट मानिन्छन् । पौडेल निकट गिरीलाई अचानक पछाडि पार्दै पोखरेल निकट आचार्यलाई मुख्यमन्त्री बनाइनुको पछाडि गुटगत राजनीतिले काम गरेको एमाले नेताहरू बताउंछन् ।
अर्घाखाँचीको निर्वाचन क्षेत्र नम्बर १ को १ बाट निर्वाचित आचार्य एमालेका केन्द्रीय सदस्य समेत हुन् ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)