दाङ-रुपन्देही सम्पर्क समाजको रक्तदान, ६० युनिट रगत संकलन

सेतोमसी
श्रावण १२, २०८१ शनिवार

दाङ-रुपन्देही सम्पर्क समाजको रक्तदान, ६० युनिट रगत संकलन

अ +
अ
अ -

बुटवल । दाङ-रुपन्देही सम्पर्क समाज बुटवलले पहिलो रक्तदान कार्यक्रम आज एक कार्यक्रमको आयोजना गरी सम्पन्न गरेको छ ।

५८ औं रक्तसञ्चार दिवसको अवसरमा समाजले पहिलो रक्तदान कार्यक्रम गरेको हो ।

बुटवलमा पछिल्लो समय नियमित डायलासिस, प्रसुति, दुर्घटना र रक्तअल्पताका बिरामीहरु बढेसँगै रगतको उच्च माग बढेको छ ।

सोही समस्यालाई मध्यनजर गर्दै दाङ रुपन्देही-सम्पर्क समाजले रक्तसंचार दिवसको अवसर पारी समाजको पहिलो रक्तदान कार्यक्रम सम्पन्न गरेको समाजका कानुनी सल्लाहकार विमल गिरीले बताए ।

रक्तदान कार्यक्रममा ६० युनिट रगत सङ्कलन भएको समाजकी सचिव रमा सुवेदीले जनाएकी छन् ।

बुटवलको रक्तसञ्चार केन्द्रमा आयोजना गरिएको कार्यक्रममा दाङबाट रुपन्देही आएर बसेका दाङबासीहरुको उपस्थिति रहेको थियो ।