स्वर्गद्वारीमा सरकारी गाडिको दुरूपयोग बढेको भन्दै माओवादी केन्द्रले बुझायो ज्ञापन पत्र

सन्तोष सुनार
श्रावण २८, २०८१ सोमवार

स्वर्गद्वारीमा सरकारी गाडिको दुरूपयोग बढेको भन्दै माओवादी केन्द्रले बुझायो ज्ञापन पत्र

अ +
अ
अ -

सन्तोाष सुनार, प्यूठान । नेकपा माओवादी केन्द्र स्वर्गद्वारी नगर समिति प्युठानले स्वर्गद्वारी नगरपालिकामा बेथिति बढिरहेको भन्दै ज्ञापन पत्र बुझाएको छ ।

सोमबार नगर अध्यक्ष टेक बहादुर भट्टराई (पदम) सहित पदाधिकारी पदाधिकारी उपप्रमुख मिनराज राना र प्रमुख प्रशासकिय अधिकृत भोज बहादुर भण्डारीलाई ज्ञापन पत्र बुझाएको हो ।

स्वर्गद्वारी नगर कमिटिले नगपालिकामा बेथिति बढिरहेको भन्दै बेथिति रोक्न सुशासनका लागि ज्ञापन पत्र बुझाएको अध्यक्ष टेक बहादुर भट्टराई (पदम) ले सेतेमोसीलाई जानकारी दिए ।

पछिल्लो समयमा स्वर्गद्वारी नगरपालिकाभित्रका सरकारी कार्यालय, सामाजिक संघ संस्थामा जिम्मेवार कर्मचारी, जनप्रतिनिधिहरुले सार्वजनिक विदाको समयमा र कार्यालय समय बाहेकको समयमा सरकारी स्वामित्वको श्रोतसाधन दुरुपयोग गरेको पाइएकोले भ्रष्टाचार नियन्त्रण, सामाजिक न्याय र सुशासन राख्नका लागि ज्ञापनपत्र सहित ध्यानाकर्षण गराएको अध्यक्ष भट्टराइले बताए ।

अध्यक्ष भट्टराईका अनुसार कर्मचारी र जनप्रतिधिले ड्युटी सकिएपछि साझँको समयमा नगरपालिकाको सवारी साधन लगेर भट्टीमा र गाउँगाउँमा समेत भेट्टाएको बताए ।

ज्ञापन पत्र बुझ्दै प्रमुख प्रशासकिय अधिकृत भोजबहादुर भण्डारीले सवारी साधन अफिसको समय बाहेक नचलाउन निर्देशन दिएको बताए ।

उनले राजनितिक नेतृत्वले कर्मचारीको लाप्रवाहीलाई सचेत गराएकोमा आभार व्यक्त गरे ।