पोखरा पर्यटन परिषदको अध्यक्षमा पहारी, अग्रज पर्यटन व्यवसायी पौडेल सम्मानित

सेतोमसी
भाद्र १२, २०८१ बुधवार

पोखरा पर्यटन परिषदको अध्यक्षमा पहारी, अग्रज पर्यटन व्यवसायी पौडेल सम्मानित

अ +
अ
अ -

राजेश पराजुली, पोखरा । पोखरा पर्यटन परिषदको अध्यक्षमा तारानाथ पहारी चयन भएका छन । परिषदको आज पोखरामा सम्पन्न भएको २४ औं वार्षिक साधारण सभा तथा १३ औं अधिवेशनबाट पहारी आगामी दुई बर्षीय कार्यकालको लागि चयन भएको हुन ।

त्यसै गरी परिषदको हाल ६ जना सदस्य चयन भएको निर्वतमान अध्यक्ष पोमनारायण श्रेष्ठले बताए । परिषदको सदस्यमा हरि भुजेल, चौ बहादुर गुरुङ, बाबुराम पाण्डे, निम मगर, जीवन सापकोटा र नारायण सुवेदी चयन भएको परिषदले जनाएको छ । अन्य पदाधिकारी सहित थप ३ जना सदस्य अध्यक्षको तजविजमा चयन हुने भएको छ ।

यस अघि उक्त कार्यक्रमको उद्घाटन गण्डकी प्रदेशका सामाजिक विकास तथा स्वास्थ्य मन्त्री बिन्दुकुमार थापाले गर्दै पोखरामा पर्यटनको बसाई अवधि लम्बाउन वाटर स्पोट्र्स सम्बन्धि गतिविधि गर्नुपर्नेमा जोड दिए ।

उक्त अवसरमा पोखराका अग्रज पर्यटन व्यवसायी हरिप्रसाद पौडेललाई सम्मान गरिएको निवर्मान महासचिव संजयकान्त सिग्देलले बताए । होटल बाराही सहित नेपालको पर्यटन क्षेत्रमा विभिन्न ठाँउमा पर्यटन क्षेत्रमा लगानी गरी पर्यंटन क्षेत्रमा उल्लेखनिय योगदान पुर्याएको भन्दै उनलाई सम्मान गरिएको परिषदले जनाएको छ ।