'लोकतन्त्र र संविधान विरोधी हकर्त गर्ने युगको अन्त्य भयो' : मुख्यमन्त्री केसी

सेतोमसी
भाद्र ९, २०७८ बुधवार

'लोकतन्त्र र संविधान विरोधी हकर्त गर्ने युगको अन्त्य भयो' : मुख्यमन्त्री केसी

अ +
अ
अ -

नवलपरासी । लुम्विनी प्रदेश सरकारका मुख्यमन्त्री कुलप्रसाद केसीले अलोकतान्त्रीक, संविधान विरोधी हर्कत गर्ने र दम्भ देखाउने युगको समाप्त भएको बताएका छन् । प्रेस संगठन नेपाल पश्चिम नवलपरासीले आयोजना गरेको पत्रकार सम्मेलनमा बोल्दै मुख्यमन्त्री केसीले उक्त कुरा बताएका हुन् ।

कसैले बार्दलीबाट गरेको हाँक अनुसार सरकार नचल्ने बताँउदै नेकपा एमालले अहिलेको सरकार गैर कानुनी भएको भन्दै गरेको टिप्पणी तर्फ संकेत गरे । "जसले असंबैधानिक, अलोकतान्त्रीक ढंगले सरकार संचालन गरे उनीहरुले नै कानुन सिकाउनु हांस्यास्पद भएका हो" - केसीले भने ।

एमाले आफैले साढे ३ बर्ष सरकारको नेतृत्व गर्दा संघियता कार्यान्वयन तर्फ ध्यान नदिएर प्रतिगमन तर्फ केन्द्रित भएको भन्दै केसीले अहिलेको सरकार पुर्ण रुपमा संविधानको मर्म अनुसार संचालन हुने बताए । प्रदेश सरकारको पहिलो प्राथमिकतामा कोरोना विरुद्धको खोप नागरिकलाई उपलब्ध गराउने र संभावित तेश्रो भेरियन्टलाई मध्यनजर गर्दै स्वास्थ्य क्षेत्रमा आवश्यक सुधार सहित तयारी गरिएको उनको भनाइ छ ।

अघिल्लो सरकारले अध्यायदेश मार्फत ल्याएको बजेट फिर्ता गरी नयाँ बजेट ल्याईने र संघियताको मर्म अनुसार सरकारी संरचनामा समेत केही परिवर्तन हुने उनले बताएका छन् ।