नन्दु यादव, पश्चिम नवलपरासी । बिगत ६० बर्ष देखि बाढिबाट पडित आम जनताले आज जिल्ला प्रशासन कार्यमलय पश्चिम नवलपरासीमा प्रमुख जिल्ला अधिकारी धर्मेन्द्र कुमार मिश्र मार्फत ३ बुँदे माग राख्दै ज्ञापनपत्र बुझाएका छन । 

लामाे समय देखि बाढिकाे चपेटामा परि कतिपय आमनागरिकको ज्यानसमेत गईरहदा अहिलेसम्म कुनै पनि राजनितिक दल संघसंस्थाले समाधानका लागि कुनै किसिमकाे चासाे नदिएकाेले अब वारपारकाे लडाई  लड्ने बताएका छन । बाढि नियन्त्रण समन्वय समिति नवलपरासी काे आयाेजना तथा युवासमाज नवलपरासीकाे सहयाेगमा गएका हजाराै बाढिपिडिले माग सम्बाेधन गर्न माग गरेका थिए । 

परासीकाे बाईपास देखि सुरुभएकाे बाढिपिडितकाे र्याली बुद्धचाेक परिक्रमा गरि जिल्ला प्रशासन कार्यालयमा ज्ञापनपत्र बुझाई  काेणसभा सम्पन्न गरिएकाे बाढि नियन्त्रण समन्वय समिति नवलपरासीका अध्यक्ष रज्जब अलिले जानकारी दिनु भयाे ।

बाढि नियन्त्रणका उपायहरु तत्काल अवलम्बन गर्नुपर्ने, बाढिपिडितले लिएकाे बैकबाट ऋण, ब्याज र कर मिनाहा हुनुपर्ने र नस्ट बालिनालिहरुकाे क्षतिपूर्ति दिनुपर्ने माग सहित ज्ञापनपत्र बुझाईएकाे अध्यक्ष अलिले बताउनु भयाे ।

उता अबकाे केही दिनमा माग पूरा नभए प्रदेश सरकारमा ज्ञापनपत्रबुझाउने र माग पूरा गराई मात्र घर फर्किने युवा समाज नवलपरासीका अध्यक्ष धर्मेन्द्र गिरिले बताए । हामी अब प्रदेश सरकारका मुख्यमन्त्री लाई ज्ञापनपत्र बुझाई समाधानकाे उपाय निकाल्न मुख्यमन्त्री लाई दवाब स्वरुप अनसन समेत बस्ने तयारि गरेकाे  गिरि बताउनु भयाे। जबसम्म माग पूरा हुदैन तब सम्म प्रदेशमा अनसन जारि राख्ने गिरिले बताउनु भयाे  ।

कार्यक्रममा सरावल गाउँपालिकाका वडा नं. ७ का वडाअध्यक्ष हेयात खान धुनिया, समाजसेवी रामभवन यादव, दिपक क्षेत्री, केदार कुशवाहा लगायतले बाढिपिडितकाे माग तत्काल सम्बाेधन गरिनुपर्ने कुरामा जाेड दिनुभयाे ।