बुटवल-१३ मा आक्रामक बन्यो माओवादी

सेतोमसी सहकर्मी

अ +
अ
अ -

सुदिप पहाडी, बुटवल । देशब्यापी संगठन विस्तारमा होमिएको नेपाल कम्युनिस्ट पार्टी (माओवादी केन्द्र) ले बुटवल उपमहानगरपालिकामा आफ्ना गतिविधिलाई निकै सक्रिय बनाएको छ । शनिवार मात्रै वडा न. १३ मा उक्त पार्टीले आक्रामक योजना सहित बैठक सम्पन्न गरेको छ ।

भेला पछिको प्रथम बैठकले वडा पार्टीको मुहार फेर्ने योजना सहित विभिन्न विभागहरु गठन गरेर निश्चित व्यक्तिहरुलाई जिम्मा दिईएको पार्टी संयोजक राजेन्द्र पाण्डेले बताए । वडा नं. १३ को कायपलट गर्ने गरि पार्टी संगठन विस्तारमा टिम होमिएको बताउँदै पाण्डेले 'राईट पर्सन इन राईट प्लेस' को अबधारणा अनुसार जिम्मेवारी तोकिएको बताए ।

बैठकले राजेन्द्र पाण्डेको संयोजकमा १२ सदस्य सचिवालय गठन गरेको छ । भने विभाग गठन गरि जिम्मेवार बाडफाड समेत गरेको छ । जस अनुसार युवा संगठन बिभागमा टेक बहादुर खाती, महिला बिभागमा मिना भुषाल र कमाल खनाल र विद्यार्थी बिभागमा प्रशान्त बन्जाडेलाई जिम्मेवारी दिईएको छ ।

त्यसैगरी, आर्थिकमा सुर्य पौडेल, लक्ष्मी नारायण खनाल र गंगाराम घिमिरे रहेका छन भने भने दलित मुक्ति मोर्चामा राजेन्द्र बि.क, जनजातीमा देबीप्रसाद चौधरी रहेका छन ।

बैठकलाई सम्बोधन गर्दै पार्टीका रुपन्देही जिल्ला सचिब निर्मल जिसिले चुनौतीपुर्ण अवस्थमा देश र जनताको विश्वास जितेर अगाडी बढ्न सुझाव दिएका थिए । नेपालको कम्युनिष्ट आन्दोलनलाई संस्थागत गरी देश र जनताको पक्षका काम गर्ने अभिभाराबाट पछाडि नहट्न अनुरोध गर्दै जीसीले ठोस परिस्थितिको ठोस विश्लेषण गर्नेहरुले कहिले नहार्ने बताएका थिए ।