सैनामैनामाका किसानलाइ ४२ थान बिद्युतिय च्यापकटर मेसिन बितरण

सेतोमसी सहकर्मी

सैनामैनामाका किसानलाइ ४२ थान बिद्युतिय च्यापकटर मेसिन बितरण

अ +
अ
अ -

प्रदिप ज्ञवाली, सैनामैना । सैनामैना नगरपालिकाले शुक्रबार एक कार्यक्रमको आयोजना गरी नगरभित्रका पशुपालक किसानहरुलाई घास तथा पराल काट्ने विद्युतीय च्यापकटर मेसिन बितरण गरेको छ ।

सैनामैना नगरपालिकाका प्रमुख चित्रबहादुर कार्कीले नगरपालिकाले किसानहरुको पक्षमा विस्तृत योजना निर्माण गरी अघि बढेको जानकारी दिदै मेसिन वितरण गरिएपछि व्यवसायीक किसानलाई प्रोत्साहन मिल्ने बताउनुभयो ।

नयाँ नयाँ काम गरेर चर्चामा रहेको सैनाामैना नगरपालिका दुध, मासु र अण्डामा आत्मनिर्भर भैसकेको छ । तीन वर्ष अघि जनप्रतिनिधि निर्वाचित भएर आएसंगै नगरपालिकाले कृषि तथा पशु पंक्षीको क्षेत्रमा समेत लगाानी बढाउदा परिणम देखिन थालेको छ ।

नगरपालिकाले किसानहरुलाई अनुदानमा ४२ थान घाँस र पराल काट्ने विद्युतीय च्यापकटर मेसिन बितरण गरेको छ । पशु विकास शाखामार्फत ११ वटै वडाका व्यवसायीक किसानलाई मेसिन प्रदान गरेपछि किसानहरु खुसी मुद्रामा देखिएका छन ।

नगरपालिकाले विद्युतीय च्यापकटर मेसिन प्रति मेसिन ४० हजार रुपैयाँमा खरिद गरेको हो । मेसिनमा किसानको ५० प्रतिशत र नगरपालिकाको ५० प्रतिशत लगानी रहेको छ । नगरका पशु विकास शाखा प्रमुख ईन्द्रबहादुर खड्काले नगरपालिकाले व्यवसायीक किसानहरुको लागि अनुदानमा घाँसको विउ वितरणदेखि यान्त्रीकरणमा समेत विशेष सहयोग गर्दै आएको बताउनु भयो ।

त्यसैगरी नगरपालिकाले सैनामैनामा नयाँ हाट बजार निर्माण गरी सञ्चालनको तयारी गरेको छ । निकट भविष्यमा चिस्यान केन्द्र समेत निर्माण हुने प्रक्रियामा रहेको छ । यसले किसानहरुलाई थप सहयोग पुग्ने विश्वास गरिएको छ ।

गाउँ नगर कृषक सञ्जाल समितिका संयोजक शेरबहादुर क्षेत्रीले सैनामैनामा जनप्रतिनिधिले कृषि तथा पशुपक्षीको क्षेत्रमा बढि चासो दिदा कृषकले उत्पादन पढाउदै लगेको बताउनु भएको थियो ।