काठमाडौं । धितोपत्र दोस्रो बजार मापक नेप्से परिसूचक साताको अन्तिम दिन बिहीबार ३१.४३ अंकले घटेर बन्द भएको छ । नेप्से परिसूचक १.१९ प्रतिशतले घटेर २५९६.८२ विन्दुमा बन्द भएको हो । बुधबार (हिजो) नेप्से २६२८.२६ विन्दुमा बन्द भएको थियो ।
यस दिन चार अर्ब ७६ करोड रुपैयाँको सेयर खरिद–बिक्री भएको छ । बुधबार चार अर्ब २७ करोड रुपैयाँको सेयर किनबेच भएको थियो ।
२९ कम्पनीको सेयर मूल्य बढेको छ । २११ कम्पनीको सेयर मूल्य घटेको छ । आरम्भ चौतारी लघुवित्त वित्तीय संस्था, जीवन विकास लघुवित्त वित्तीय संस्था र पिपुल्स पावर लिमिटेडको सेयर मूल्य स्थिर रहेको नेपाल स्टक एक्सचेन्ज (नेप्से)ले जनाएको छ ।
सपोर्ट माइक्रोफाइनान्स लघुवित्त वित्तीय संस्थाको सेयर मूल्य १० प्रतिशतले बढेको छ । सामुदायिक लघुवित्त वित्तीय संस्थाको सेयर मूल्य ५.०९ प्रतिशतले वृद्धि भएको छ ।
कारोबारमा आएका १३ समूहकै परिसूचक घटेको छ । परिसूचक सर्वाधिक घट्नेमा व्यापार समूह छ । यो समूहको परिसूचक २.७३ प्रतिशतले घटेको छ । फाइनान्स समूहको परिसूचक २.३१ प्रतिशतले घटेको छ ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)