राजेश पराजुली, पोखरा । पोखरा विश्वविद्यालयको उपकुलपतिमा प्राडा वेदराज केसी नियुक्त भएका छन् । विश्वविद्यालयका कुलपतिसमेत रहेका प्रधानमन्त्री केपी शर्मा ओलीले केसीलाई उपकुलपतिमा नियुक्त गरेका हुन् ।
उपकुलपतिका लागि १५ जनाले आवेदन दिएकामा आवेदन स्वीकृत हुँदा उनी पहिलो नम्बरमा सिफारिस भएका थिए ।
केसी पोखरा विश्वविद्यालयबाट सम्बन्धनप्राप्त कलेज अफ इन्जिनियरिङ एण्ड म्यानेजमेन्ट र अल्पाइन म्यानेजमेन्ट कलेजका सञ्चालक र पोखरा विश्वविद्यालयबाटै सम्बन्धनप्राप्त कलेज अल्पाइन म्यानेजमेन्ट कलेजका एकेडेमिक एडभाइजर हुन् ।
साथै उनी नेकपा एमाले निकटको प्राध्यापक संगठन नेपाल प्रगतिशील प्राध्यापक संगठनका केन्द्रीय अध्यक्षसमेत हुन् ।
शिक्षा, विज्ञान तथा प्रविधि मन्त्रालयले २०८१ कात्तिक २४ गते पोखरा विश्वविद्यालयको उपकुलपति छनोट तथा सिफारिससम्बन्धी कार्यविधि २०८१ जारी गरेको थियो । उक्त कार्यविधि अनुसार नै समितिले आवेदन आह्वान गरेको थियो ।
यता नेपाल संस्कृत विश्वविद्यालयको उपकुललपतिमा प्राडा धनेश्वर नेपाल नियुक्त भएका छन् । यस विश्वविद्यालयका लागि १३ जनाको नाम स्वीकृत भएको थियो ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
