भारतको रेनेसान्स नेक्स्टजेन लिडर्स अवार्डबाट समृद्धिका ठाकुर सम्मानित

सेतोमसी
पौष १२, २०८१ शुक्रवार

भारतको रेनेसान्स नेक्स्टजेन लिडर्स अवार्डबाट समृद्धिका ठाकुर सम्मानित

अ +
अ
अ -

बुटवल । पछिल्लो समय सैलुन क्षेत्रलाई व्यावसायिक र मर्यादित बनाउन नागिपरेका बुटवलका सैलुन उद्यमी मोहन ठाकुर रेनेसान्स नेक्स्टजेन लिडर्स अवार्डबाट सम्मानित भएकाछन् ।
उत्कृष्ट हेयर ड्रेसर र सैलून उद्यमीको रूपमा नेपालको प्रतिनिधित्व गरेका उनले भारतमा आयोजित एक कार्यक्रममा उक्त अवार्डको २०२४ औं सस्करण प्राप्त गर्न सफल भएका हुन ।

ठाकुरलाई प्रतिष्ठित बलिउड अभिनेत्री अमृता रावले सो अवार्ड प्रदान गरिन् । भारत स्थित होटल हयात रिजेन्सी, लखनउमा आयोजित कार्यक्रममा आफुले अवार्ड पाउँदा निकै खुसी लागेको ठाकुरले प्रतिकृया दिए ।

"जुन क्षेत्रको लागि मलाइ सम्मान गरिएको छ त्यसमा अझै दृढ र प्रतिबद्धताका साथमा अगाडि बढ्नेछु ।"
उनले भने,”यस अवार्डले मलाई कपालको हेरचाह र कलात्मकतामा उत्कृष्ट प्रदर्शन गर्न थप उर्जा मिलेको छ । ”

बुटवलको अमरपथ सिह कम्प्लेक्समा समृद्धि सलोन तथा एकेडेमी सञ्चालन गर्दै आएका ठाकुरले नेपालको पोखरा, मणिग्राम, जितपुर कपिलवस्तु, बर्दघाटमा समेत शाखा, र फ्रेन्चाइजी मार्फत व्यवसाय संचालन गरिरहेका छन् । जहाँ ५० भन्दा धेरैले प्रत्यक्ष रोजगारी पाएका छन् ।

ठाकुरले एकेडेमी मार्फत दक्ष जनशक्ति उत्पादन गर्दै आएका छन् ।