'प्रेसलाई अकुंश लगाउने कानूनको सशक्त प्रतिरोध हुन्छ' : महासंघ अध्यक्ष पोख्रेल

सेतोमसी
आश्विन ४, २०७८ सोमवार

'प्रेसलाई अकुंश लगाउने कानूनको सशक्त प्रतिरोध हुन्छ' : महासंघ अध्यक्ष पोख्रेल

अ +
अ
अ -

बुटवल । नेपाल पत्रकार महासंघका केन्द्रीय अध्यक्ष विपुल पाेख्रेलले प्रेसलाइ अकुंश लगाउने कुनै पनि कानुनको सशक्त प्रतिरोध गरिने बताएका छन । संघ र प्रदेश सरकारले प्रेस र अभिव्यक्ति स्वतन्त्रतालाई सकुंच गर्ने खालका कानुन निर्माण गरेकाे भन्दै उनले त्यसप्रकारका कानुन अस्वीकार्य हुने बताए ।

नेपाल पत्रकार महासंघकाे आयाेजना तथा रूपन्देही शाखाकाे समन्वयमा साेमबारदेखि बुटवलका शुरू भएकाे एक हप्ते आधारभूत पत्रकारिता तालिमकाे उद्घाटन गर्दै अध्यक्ष पाेख्रेलले प्रेसमैत्री कानुन बनाउन तीन तहकै सरकारकाे ध्यानाकर्षण गराउनुपर्ने बताए ।

लुम्बिनी प्रदेश सरकारले बनाएकाे कानुन प्रेस विराेधी भएको तर्फ संकेत गर्दै अध्यक्ष पोख्रेलले प्रेस स्वतन्त्रतालाई अंकुश लगाउले खालका कानुनको विरुद्धमा पत्रकार महासंघ मात्र नभएर समग्र मिडिया क्षेत्रले लेख्न र बोल्न जरुरी रहेको

त्यसैगरी नेपाल पत्रकार महासंघ निवर्तमान अध्यक्ष गाेविन्द आचार्यले लेख्न सके पत्रकारीता क्षेत्रमा अवसरको कमि नरहेकाे बताए । उनले पत्रकार महासंघ पत्रकारहरूकाे क्षमता अभिवृद्दि र पेसागत सुरक्षाका लागि विगतदेखि नै काम गरिरहेकाे बताए ।

तालिम शुभारम्भ कार्यक्रममा नेपाल पत्रकार महासंघ लुम्बिनीका महासचिव बिक्रम खड्का, लुम्बिनी प्रदेशका मुख्यमन्त्रीका प्रेस संयाेजक मानसिंह बिश्वकर्मा, पत्रकार महासंघ रूपन्देही अध्यक्ष रामराज पाेख्रेल, सचिव विनाेद परियारले लगायतले बोलेका थिए ।

आयोजित एक हप्ते तालिममा रुपन्देहीका विभिन्न मिडियाका समाचार कक्षमा कार्यरत ४० जना पत्रकार सहभागी छन् ।