देवदह । बुद्ध पब्लिक मन्टेश्वरी देवदहले मंगलवार एक समारोहका विच चौथो वार्षिकोत्सव तथा अभिभावक दिवस मनाएको छ । देवदहमा उत्कृष्ट शैक्षिक संस्थाको रुपमा परिचय बनाएको बुद्ध पब्लिकले छुट्टै ब्लकमा सञ्चालन गरेको मन्टेश्वरी स्थापनाको चार बर्ष पुरा गरेको अवसरमा वार्षिकोत्सव मनाएको हो ।

विद्यार्थीहरुको साँस्कृतिक प्रस्तुतिहरु सहित भएको बृहत् कार्यक्रममा बोल्दै देवदह नगरपालिकाका शिक्षा शाखा प्रमुख पर्शुराम ढकालले देवदह क्षेत्रको शैक्षिक विकासका लागि बुद्ध पब्लिकले महत्वपूर्ण योगदान पु¥याएको बताए । ‘एउटा शैक्षिक संस्था जसले अध्ययन अध्यापनका अलावा विभिन्न अतिरिक्त कृयाकलाप मार्फत विद्यार्थीको प्रतिभाहरुलाई उजागर गर्ने काम गरिरहेको छ ।’ ढकालले भने, ‘शैक्षणिक क्रियाकलापमा यो महत्वपूर्ण पक्ष हो ।’

सोहि अवसरमा मन्टेश्वरीका प्रवन्ध निर्देशक कृष्ण प्रसाद गैरेले विद्यालयको प्रगति विवरण प्रस्तुत गरेका थिए । उनले निकट भविष्यमै मन्टेश्वरीलाई क्याम्ब्रिज करिकुलम अनुसार प्रोगेसिभ मोडलको रुपमा अघि बढाउने र हाल सञ्चालनमा रहेको आई टि करिकुलमलाई समेत निरन्तरता दिने उल्लेख गरे ।

कक्षा ५ सम्म मन्टेश्वरी विधिबाट सञ्चालित बुद्ध पब्लिकमा तिन सय ४२ विद्यार्थी अध्ययनरत छन् । पूर्व प्रावि तर्फ प्रत्येक कक्षामा बाढिमा १५ जना र प्रावि तर्फ प्रत्येक क्षामा बढिमा २० जना विद्यार्थी अध्ययन गरिरहेको निर्देशक गैरेले बताए । बिद्यालय पूर्ण रुपमा वातानुकुलित र बालमैत्री वतावरणमा सञ्चालन भइृरहेको गैरेले जानकारी दिए ।

कर्यक्रममा विभिन्न विधामा उत्कृष्ट बर्ष शिक्षकका रुपमा शिक्षक चन्दकला चापागाई र आकृति गुरुङ्ग तथा उत्कृष्ट कर्मचारीको रुपमा रामबहादुर कुमाललाई सम्मानित गरियो । यसैगरि ५ बर्ष कार्यअवधि पुरा गरेका शिक्षक सोनीया परियार, प्रविना हमाल र कर्मचारी देवी थापालाई समेत सम्मानित गरियो । यस्तै अभिभावकहरु विच भएको खेलकुद कार्यक्रमका उत्कृष्ट अभिभावकहरुलाई पुरस्कार वितरण गरियो ।

मन्टेश्वरीका अध्यक्ष कृष्ण सापकोटाको अध्यक्षता, प्रिन्सिपल मनिषा थापा गौतमको स्वागत र शिक्षक आकृति गुरुङ्ग संगै बिद्यार्थी अभिनव ढकाल तथा रिदिमा सुनारको सञ्चालनमा भएको कार्यक्रममा प्याब्सन देवदहका अध्यक्ष रामबहादुर गुरुङ्ग, बुद्ध पब्लिक स्कूलका अध्यक्ष जयकिशन अधिकारी लगाएतको उपस्थिति रहेको थियो ।