विगतका राजा महाराजाहरुले वेश्यालय गएर अन्तर्राष्ट्रिय रुपमा नेपालको बेइज्जत गरेको प्रचण्डको आरोप

सेतोमसी
चैत्र ४, २०८१ सोमवार

विगतका राजा महाराजाहरुले वेश्यालय गएर अन्तर्राष्ट्रिय रुपमा नेपालको बेइज्जत गरेको प्रचण्डको आरोप

अ +
अ
अ -

काठमाडौं । नेकपा (माओवादी केन्द्र) का अध्यक्ष पुष्पकमल दाहाल प्रचण्डले विगतका राजा÷महाराजाहरुले वेश्यालय गएर अन्तर्राष्ट्रिय रुपमा नै नेपालको बेइज्जत गरेको आरोप लगाएका छन् । सोमवार काठमाडौंमा आयोजित एक कार्यक्रम लाई सम्बोधन गर्दै उनले विगतका राजा÷महाराजाहरुले विदेशीको चाकडी कसरी गरेका थिए ? र दरबार हत्या काण्ड कसले कसरी गरेको हो भन्नेकुरा युवालाई बुझाउन जरुरी रहेको बताए ।

प्रचण्डले अरु सबैकुरा परिवर्तन गर्न सकिने तर जनतामा गएको सार्वभौम सत्ता र राष्ट्रिय स्वाधिनता तथा भौगोलिक अखण्डता परिवर्तन गर्न नसकिने बताए । उनले राजावादीहरुले गरेको प्रदर्शन संविधान विपरित भएको समेतउल्लेख गरे । ‘राजनीतिक सिस्टम, राजनीतिक मान्यता परिवर्तन गर्न सकिन्छ । परिस्थिति र जनताको चाहना अनुसार ।’ उनले भने, ‘तर एउटा चिज परिवर्तन गर्न सकिँदैन । त्यो हो, राष्ट्रिय स्वाधिनता, भौगोलिक अखण्डता र जनतामा गएको सार्वभौम सत्ता ।’

अध्यक्ष दाहालले काँग्रेस—एमाले र नेकपा (माओवादी केन्द्र) मिलेर सरकार बनाउन लागेको चर्चा गरिएको भन्दै आफूहरुले सरकारमा जाने कुनै नीति नलिएको बताए । देशमा संकट आएको खण्डमा संकट समाधानका लागि आफूहरुले विचार दिने तर यही सरकारमा गएर सामेल नहुने उनले जिकिर गरे ।

प्रचण्डले संक्रमणकालीन न्यायसँग सम्बन्धित विषयहरुमा छलफल भएको भएपनि सरकार बनाउने भन्नेबारेमा कसैसँग कुनै छलफल भनभएको दाबी गरे । उनले आफूले राम्रो गर्न खोज्दाखौज्दै सरकार ढालेर अहिलेको सरकार बनेको समेत बताए ।