नीति तथा कार्यक्रम

नीति तथा कार्यक्रम आशा गरिएको जस्तो गुणात्मक महत्वको आएन : बाबुराम भट्टराई

सेतोमसी
बैशाख १९, २०८२ शुक्रवार

नीति तथा कार्यक्रम आशा गरिएको जस्तो गुणात्मक महत्वको आएन : बाबुराम भट्टराई

अ +
अ
अ -

काठमाडौं । नेपाल समाजवादी पार्टी (नयाँ शक्ति) का अध्यक्ष डा. बाबुराम भट्टराईले नीति तथा कार्यक्रम गुणात्मक महत्वको नभएको बताएका छन् । शुक्रवार संघीय संसद्को संयुक्त बैठकमा राष्ट्रपति रामचन्द्र पौडेलले सरकारको आगामी आर्थिक वर्ष २०८२÷०८३ को नीति तथा कार्यक्रम सार्वजनिक गरेपछि संसद् परिसरमा सञ्चारकर्मीहरूसँग बोल्दै उनले नीति तथा कार्यक्रम गुणात्मक महत्वको आउँछ भन्ने अपेक्षा गरे पनि त्यसो हुन नसकेको बताए ।

पूर्व प्रधानमन्त्री समेत रहेका भट्टराइले नीति तथा कार्यक्रम निरन्तरताकै लागि आएको जस्तो देखिएको प्रतिकृया दिए । भट्टराईले नीति तथा कार्यक्रममा केही सुधारात्मक कुराहरू भए पनि अहिलेको लागि त्यो पर्याप्त नभएको जिकिर गरे । उनले जनताको जीवनमा असर पार्ने र मानिसले अपेक्षा गरे अनुसारको ठोस विषयहरू नीति तथा कार्यक्रममा नसमेटिएको बताए ।

“अलि गुणात्मक महत्वको आउँछ कि भन्ने अपेक्षा थियो, तर उहाँहरूले निरन्तरता मै ल्याउनुभयो कि जस्तो लाग्यो । आउन त सबै कुरा आएको छ तर त्यो मात्रात्मक, सुधारात्मक तरिकाले आयो ।” उनले भने, “देशको आवश्यकता सबै क्षेत्रमा गुणात्मक महत्वको आउँछ कि भन्ने मेरो अपेक्षा थियो । मैले त्यसो पाइन ।”