जनकपुरधाम । मधेश प्रदेश सांसद सरोजकुमार सिंह पक्राउ परेका छन् ।
सिंहविरुद्ध प्रदेश सांसद विकास कोषको रकम हिनामिना गरी भ्रष्टाचार गरेको आरोप थियो । यही आरोपमा अख्तियार दुरुपयोग अनुसन्धान आयोगको टोलीले सिंहलाई आज उनलाई पक्राउ गरेको हो ।
सिंहले विकास कोषको रकम उपभोक्ता समितिमार्फत लगेर अनियमितता गरेको आरोप छ । यसअघि सिंहका स्वकीय सचिव विनोदकुमार लाल कायस्थलाई अख्तियार दुरुपयोग अनुसन्धान आयोगको टोलीले जेठ १३ गते पक्राउ गरेको थियो ।
अख्तियारको अनुसन्धानमा सिंहले विभिन्न उपभोक्ता समिति गठन गरेको देखाई समितिका खातामा दाखिला भएको रकम निजी सचिव कायस्थमार्फत झिक्न लगाई आफ्नो र श्रीमतीको खातामा राखेको भेटिएको देखिएको थियो ।
Copyright © All right reserved to setomasi.com
Site By: SobizTrend Technology