Logo

२०८३, कार्तिक ३०गते


images
images

भ्रष्टाचार

पशुपति विद्युतीय शवदाह गृहको उपकरण खरिदमा भ्रष्टाचार : सदस्य सचिवसहित १६ जना विरुद्ध मुद्दा

पशुपति विद्युतीय शवदाह गृहको उपकरण खरिदमा भ्रष्टाचार : सदस्य सचिवसहित १६ जना विरुद्ध मुद्दा

images
  • पशुपति विद्युतीय शवदाह गृहको उपकरण खरिदमा भ्रष्टाचार : सदस्य सचिवसहित १६ जना विरुद्ध मुद्दा
    images

    काठमाडौँ । अख्तियार दुरुपयोग अनुसन्धान आयोगले पशुपति क्षेत्र विकास कोषअन्तर्गतको विद्युतीय शवदाह गृहको उपकरण खरिदमा भ्रष्टाचार गरेको अभियोगमा कोषका सदस्य सचिव मिलन थापासहित १६ विरुद्ध भ्रष्टाचार मुद्दा दायर गरेको छ ।

    images
    images
    images

    अख्तियारले आइतवार उनीहरूविरुद्ध विशेष अदालतमा मुद्दा दायर गरेको जनाएको हो । 

    images
    images
    images

    अख्तियारले सदस्य सचिव थापा, तत्कालीन निमित्त सदस्यसचिव राजुकुमार खत्री, तत्कालीन कार्यकारी निर्देशक घनश्याम खतिवडा, हालका उपनिर्देशक रेवतीरमण अधिकारी, तत्कालीन निमित्त उपनिर्देशक सीताराम रिसेल, सिभिल इन्जिनियरहरु पशुपति ठाकुर, डेबिड उप्रेती र रमेश पुरी, लेखा अधिकृत चन्द्रप्रसाद खनाल, इन्जनियर अध्ययन संस्थान पुल्चोक क्याम्पस इलेक्ट्रिकल विभाग प्रमुख उपप्राध्यापक युवराज अधिकारी, पशुपति विकास कोषका कानुनी सल्लाहकार तथा मूल्यांकन समिति सदस्य लैनबहादुर थापाविरुद्ध जनही १० करोड ३३ लाख ९१ हजार ३० रुपैयाँ बिगो कायम गरी कैद र जरिवाना तथा हिनामिना भएको रकम असुलउपरको मागदाबी गर्दै मुद्धा दायर गरेको जनाएको छ ।

    images
    images

    साथै अख्तियारले उपकरण आपूर्तिकर्ता म्याप इन्ट्रप्रेनर प्रालिका सञ्चालकद्वय मनोज पुरी र यदुनन्दन भट्टराईविरुद्ध पनि संयुक्त रुपमा बिगो कायम गरी कैद र जरिवानाको मागदाबी गरेर मुद्धा दायर गरेको छ ।

    यस्तै एप्पल इन्जिनियरिङ प्रोफेसनल कन्सल्टेन्सी र त्यसका प्रबन्ध निर्देशक सुरज चापागाईंविरुद्ध कायम गरेको बिगोबमोजिम जरिवाना र कैद सजायको माग दाबी अख्तियारले गरेको छ ।

    अख्तियारले पशुपति क्षेत्र विकास कोषले २०८० असार ५ मा बोलपत्र आह्वान गरी विद्युतीय शवदाह गृहको अघि बढेको उपकरण खरिद प्रक्रियामा योग्यता नपुगेका कम्पनीलाई ठेक्का दिलाउन मापदण्डसमेत हेरफेर गरिएको र मिलोमतोमा रकम भुक्तानी दिएको अनुसन्धानबाट खुलेको जनाएको छ ।

    images
    images
    images
    images
    images
    images
    images
    images
    images
    images
    images

    Copyright © All right reserved to setomasi.com

    सेतोमसीमा प्रकाशित कुनै पनि सामग्रीहरू छापा, विद्युतीय वा अन्य कुनै पनि माध्यमबाट प्रकाशन वा प्रशारण गर्नुअघि अनुमति लिनुहुन अनुरोध छ ।