निर्मल निवासको हस्तक्षेपले राजसंस्थाको मान्यतामाथि नै आघात पुग्यो : थापा

सेतोमसी
मंसिर २१, २०७८ मंगलवार

निर्मल निवासको हस्तक्षेपले राजसंस्थाको मान्यतामाथि नै आघात पुग्यो : थापा

फाइल फोटो

अ +
अ
अ -

काठमाडौं । राष्ट्रिय प्रजातन्त्र पार्टीका निवर्तमान अध्यक्ष कमल थापाले निर्मल निवासको हस्तक्षेपले राजसंस्थाको मान्यतामाथि नै आघात पुगेको बताएका छन् । एक प्रेस वक्तव्य जारी गर्दै थापाले पार्टीको केन्द्रिय नेतृत्वको निर्वाचनमा निर्मल निवास र पुर्वराजा ज्ञानेन्द्रले नांगो हस्तक्षेप गरेको आरोप लगाउँदै त्यसको निन्दा गरेका हुन् ।

पार्टीको एकता महाधिवेशन भव्यताका सथा सम्पन्न भएको उल्लेख गर्दै आफू पराजित हुनुपरेकोमा दु:ख नलागेको तर वाह्य हस्तक्षेपको कारण पार्टीले पीडा भोग्नु परेको थापाको भनाइ छ ।

वक्तव्यमा महाधिवेशनबाट निर्वाचित अध्यक्ष राजेन्द्र लिंगदेन लगायत सम्पूर्ण पदाधिकारी र सदस्यहरूलाई वधाई दिदैं आफू पार्टी फूटमा नरहेको समेत नेता थापाले स्पष्ट पारेका छन् । "अध्यक्ष पदमा पराजयका वावजुद पार्टी एकताको पक्षमा मेरो निरन्तर सकारात्मक सहयोग रहने छ" - उनले भनेका छन् ।

वक्तव्यमा २०७४ सालमा पार्टी फुटाउन र विगत केही समय यता तथाकथित भजन मण्डली खडा गरेर पार्टी नेतृत्वको चरित्रहत्या गर्ने र राप्रपाका वारेमा भ्रम सिर्जना गर्ने गराउने कार्य निर्मल निवासबाट बारम्बार हुँदै आएको नेता थापाले आरोप लगाएका छन् ।