क्रिकेट

एसीटीसँगको दोस्रो अभ्यास खेल जित्‍न नेपाललाई ९७ रनको लक्ष्य

सेतोमसी
भाद्र १०, २०८२ मंगलवार

एसीटीसँगको दोस्रो अभ्यास खेल जित्‍न नेपाललाई ९७ रनको लक्ष्य

अ +
अ
अ -

काठमाडौं । अस्ट्रेलिया टुरमा रहेको नेपालले मंगलवार भइरहेको दोस्रो अभ्यास टी-२० खेल जित्न अस्ट्रेलियन क्यापिटल टेरिटोरी (एसीटी)बाट ९७ रनको सामान्य लक्ष्य पाएको छ ।

टस हारेर पहिले ब्याटिङ गरेको एसीटी १७.२ ओभरमा ९६ रनमा अलआउट भएको हो । नेपालका दीपेन्द्रसिंह ऐरी र शाहब आलमले ४-४ विकेट लिए भने रोहित पौडेल र गुल्शन झाले १-१ विकेट लिए ।

यसअघि केहीबेर अघि भएको पहिलो अभ्यास खेलमा नेपाल ४१ रनले विजयी भएको थियो । टप एन्ड टी-२० सिरिज समाप्त भएपछि नेपालले थप पाँच अभ्यास खेलहरू खेल्ने तय भएको थियो ।

नेपालले यसपछि २८ र ३० अगस्टमा साउथ अस्ट्रेलियाको टिमसँग पनि २ टी-२० र एक वान डे खेल खेल्नेछ । टप एन्ड टी-२० सिरिजमा नेपाल ११ टिममध्ये आठौं भएको थियो ।

नेपालको आगामी विश्वकप छनोटको तयारीका लागि अस्ट्रेलिया टुर महत्वका साथ हेरिएको छ ।