रौतहट । रुबी साहको हत्या आरोपमा अनुसन्धानरत मुख्य आरोपी लक्ष्मण पासवानको मृत्यु भएको छ । जलेको अवस्थामा फेला परेका पासवानलाई उपचारका लागि कीर्तिपुरस्थित बर्न अस्पताल लगिएको थियो । जिल्ला प्रहरी परिसर काठमाडौंका एसपी कुलदीप चन्दका अनुसार, उनका उपचारको क्रममा बुधबार मृत्यु भएको हो ।
पासवान रौतहटको माधवनारायण नगरपालिका-६ माधोपुरबाट पश्चिमतर्फको बगैंचामार्ग हुँदै बिसुनपुरवा मानपुरतर्फ जाँदै गर्दा जलेको अवस्थामा फेला परेका थिए । गत शनिबार, गौर बजार जाने भन्दै डेराबाट निस्किएकी रुबी साहको शव सुटकेसमा प्याक गरेको अवस्थामा भेटिएको थियो ।
Copyright © All right reserved to setomasi.com
Site By: SobizTrend Technology