Logo

२०८३, कार्तिक ३०गते


images
images

सन्दुक रुइत

आफ्नो पेशा र कर्मबाट नेपाल र नेपालीलाई योगदान दिइरहन्छु : डा. सन्दुक रुइत

आफ्नो पेशा र कर्मबाट नेपाल र नेपालीलाई योगदान दिइरहन्छु : डा. सन्दुक रुइत

images
  • आफ्नो पेशा र कर्मबाट नेपाल र नेपालीलाई योगदान दिइरहन्छु : डा. सन्दुक रुइत
    images

    काठमाडौँ । वरिष्ठ चिकित्सक डा. सन्दुक रुइतले आफ्नो कर्म भनेको नेपाली र संसारभरका बिरामीको सेवामा आफ्नो सीप, ज्ञान र समय दिनु भएको स्पष्ट गरेका छन् ।

    images
    images
    images

    डा. रुइतले एक विज्ञप्ति जारी गर्दै आफुलाई हरेक राजनीतिक उथलपुथलपछि कुनै न कुनै पदमा बसेर नेतृत्व गरिदिन अनुरोध आउने गरेको उल्लेख गर्दै आफ्नो कर्म भनेको नेपाली र संसारभरका बिरामीको सेवामा आफ्नो सीप, ज्ञान र समय दिनु भएको स्पष्ट गरेका हुन् ।

    images
    images
    images

    जेनजी आन्दोलनपछि बन्ने अन्तरिम सरकारमा स्वास्थ्य मन्त्रीमा सामाजिक सञ्जाल र मिडियामा चर्चा हुन थालेपछि डा. रुइतले आफ्नो धारणा स्पष्ट गरेका हुन् ।

    images
    images

    उनले भनेका छन्-  

    भदौ २३ र २४ मा "जेन-जी" ले नेपालमा व्याप्त राजनीतिक अव्यवस्था र भ्रष्टाचारविरुद्ध गरेको विरोध प्रदर्शनका क्रममा ज्यान गुमाउनुभएका सम्पूर्णमा हार्दिक श्रद्धाञ्जली व्यक्त गर्दछु । उहाँहरुको परिवारलाई यो असिम शोकको घडीमा समवेदना प्रकट गर्दछु । प्रदर्शनकै क्रममा घाइते हुनुभएका सबैको शिर्घ स्वास्थ्यलाभको कामना गर्दछु ।

    लामो चिकित्सकीय यात्राका क्रममा मलाई सबै तह र तप्काका नेपालीले साथ दिनुभयो । मलाई भोलीका दिनमा पनि त्यो साथ, सद्भाव र माया प्राप्त हुन्छ भन्नेमा कुनै द्विविदा छैन ।

    मेरो साधना नै अन्धोपन निवारण हो । मलाई हरेक राजनीतिक उथलपुथलपछि कुनै न कुनै पदमा बसेर नेतृत्व गरिदिनका लागि अनुरोध आउने गरेको छ । तर, म प्रष्ट छु मेरो कर्म भनेको नेपाली र संसारभरका बिरामीको सेवामा आफ्नो सीप, ज्ञान र समय दिनु हो । नेपाल र नेपालीको नाम संसारभर पुऱ्याउनु हो । मेरो हृदय सफा छ, म यसैमा खुसी छु । यसमा शुभचिन्तकहरु ढुक्क हुनुहोस् ।

    हामी सबै आफ्नो पेशा, कर्म र व्यवसायमा इमान्दारी पूर्वक लागेमा यो देशको अवस्था परिवर्तन गर्न धेरै समय लाग्दैन । म आफ्नो पेशा र कर्मबाट नेपाल र नेपालीको हितका लागि सदैव योगदान दिइरहनेछु ।

    images
    images
    images
    images
    images
    images
    images
    images
    images
    images
  • सम्बन्धित विषय:

  • # सन्दुक रुइत
  • images

    Copyright © All right reserved to setomasi.com

    सेतोमसीमा प्रकाशित कुनै पनि सामग्रीहरू छापा, विद्युतीय वा अन्य कुनै पनि माध्यमबाट प्रकाशन वा प्रशारण गर्नुअघि अनुमति लिनुहुन अनुरोध छ ।