देवदह दुर्घटना

मोटरसाइकललाई ठक्कर दिने बस चालकलाई पक्राउ गर्नु पर्ने माग गर्दै देवदहमा चक्काजाम

सेतोमसी
मंसिर ५, २०८२ शुक्रवार

मोटरसाइकललाई ठक्कर दिने बस चालकलाई पक्राउ गर्नु पर्ने माग गर्दै देवदहमा चक्काजाम

अ +
अ
अ -

देवदह । मोटरसाइकललाई ठक्कर दिने बस चालकलाई पक्राउ गर्नु पर्ने माग गर्दै देवदह शित्तलनगरमा चक्काजाम गरिएको छ । गत बुधबार भएको दुर्घटनामा मोटरसाइकलाई ठक्कर दिने बस चाललाई तत्काल पक्राउ गर्न माग गर्दै देवदह शित्तनगरस्थित पूर्वपश्चिम राजमार्गमा करिब ३० मिनेट चक्काजाम गरिएको हो ।

दाङबाट काठमाडौं जाँदै गरेको लुम्बिनी प्रदेश ०२, ००१ ख ००४५ नं को बसले लु २९ प १५९१ नं को मोटरसाइकललाई ठक्कर दिंदा मोटरसाइकल चालक पाल्पा बगनासकाली गाउँपालिका-९ का २२ वर्षीय सौरव बिक घाइते भएका थिए । घाइते बिकको उपचारका क्रममा देवदह मेडिकल कलेज भलुहीमा बिहिर मृत्यु भएको थियो ।

दुर्घटना लगत्तै बस चालक फरार भएका थिए । दुर्घटना भएको तीन दिन सम्म पनि चालकलाई पक्राउ नगरिएको भन्दै स्थानीय आक्रोसित भएका हुन् । शनिबार (भोलि) ११ बजे सम्म पनि पक्राउ नगरे आन्दोलनका चर्काउने स्थानीयले बताएका छन् । स्थानीय घर फर्केपछि अहिले सडक सुचारु भएको प्रहरीले जनाएको छ ।