स्पोर्ट्स अवार्ड

एनएसजेएफ पल्सर स्पोर्ट्स अवार्ड पुस २३ गते पोखरामा हुने

सेतोमसी
पौष १४, २०८२ सोमवार

एनएसजेएफ पल्सर स्पोर्ट्स अवार्ड पुस २३ गते पोखरामा हुने

अ +
अ
अ -

काठमाडौं । एनएसजेएफ पल्सर स्पोर्ट्स अवार्ड यही पुस २३ गते पोखराको न्युरोडस्थित पोखरा सभागृहमा आयोजना हुने भएको छ । यसअघि जेनजी आन्दोलनका कारण स्थगित भएको अवार्ड कार्यक्रम पोखरामा हुने भएको हो ।

आयोजक नेपाल खेलकुद पत्रकार मञ्चले स्पोर्ट्स अवार्डका लागि आइतबारदेखि खेलाडीको भोटिङ पनि पुन: सुरू गरिएको जानकारी दिएको छ । अवार्ड कार्यक्रमको पिपल्स च्वाइस विधाको रोकिएको भोटिङ आइतबारदेखि नै सुरू भएको हो ।

सबै विधाको मनोनयन यसअघि नै भइसकेको छ । पिपल्स च्वाइस विधाको मनोनयनमा विजय सिन्जाली, पूजा महतो, हिमाल सुनारी, रेखा पौडेल र इभाना थापा रहेका छन् ।

अवार्ड समारोहमा १० विधामा खेलाडी, प्रशिक्षक र उत्कृष्ट एसियाली पत्रकारले अवार्ड प्राप्त गर्नेछन् ।

जसमा परुष, महिला र युवातर्फ वर्षको उत्कृष्ट, वर्ष प्रशिक्षक, पिपल्स च्वाइस अवार्ड, पारा एथलिट सम्मान, स्पेसल अवार्ड, लाइफटाइम एचिभमेन्ट अवार्ड, एसियन स्पोर्ट्स जर्नालिस्ट अवार्ड र टिम अफ द इयर रहेका छन् । वर्ष खेलाडी पुरुष, महिला, पिपल्स च्वाइस, प्रशिक्षक र युवा गरी पाँच विधाका विजेताले मोटरसाइकल प्रदान गरिदैछ । त्यस्तै अन्य विधाका विजेताले एक लाख पुरस्कार पाउनेछन ।