काठमाडौँ । नेपाली काँग्रेसको विशेष महाधिवेशनको बन्दसत्रको अध्यक्षता जेष्ठ सदस्य ८८ बर्षिय महाधिवेशन प्रतिनिधि श्याम कुमार खड्काले गर्ने भएका छन् ।
खड्का काठमाडौँ क्षेत्र नम्बर ८ का महाधिवेशन प्रतिनिधि भएको प्रचार प्रसार समितिका संयोजक सुबास पोखरेलले जानकारी दिए ।
त्यस्तै पोखरेलले किशोर दत्त बराल कास्कीको सभापतिले कार्यक्रम संचालन गर्ने र नारायण भट्टराई कालिकोटको महाधिवेशन प्रतिनिधिले कार्यविधि पढेर सुनाउने र ध्वनि मतले कार्यविधि पारित हुने बताएका छन् ।
त्यस्तै बन्दसत्रमा त्यसपछि महामन्त्रीहरुका २ वटा प्रस्ताव पेश गर्ने छन् । जसमा समसामयिक राजनीतिको समिक्षा, राजनीति र पार्टीको नीति, विधान सम्शोधन र विधानमा संरचनागत सुधारलगायतका विषय रहेका छन् । त्यसपछि खाना पछि महाधिवेशन प्रतिनिधिहरुलाई ९ समुहमा विभाजन गरेर छलफल पछि समुह नेताले १० मिनेट समुहको निष्कर्ष बन्दसत्रमा राख्ने भएका छन् ।
महाधिवेशन प्रतिनिधिले आयोजना गरेको विशेष महाधिवेशन भएकाले कार्यविधि हलले नै गर्ने र सोहि अनुसार बन्दसत्र संचालन हुने पोखरेलले जानकारी दिए ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)