जनकपुरधाम । राष्ट्रिय स्वतन्त्र पार्टी (रास्वपा) ले आज जनकपुरधाममा ‘परिवर्तन उद्घोष सभा’ आयोजना गर्न लागेको छ ।
पार्टी सभापति रवि लामिछाने र वरिष्ठ नेता बालेन शाहले सो कार्यक्रममा एक साथ सहभागिता जनाउदैछन् । यसका लागि दुवै जना आइतबार बेलुका नै जनकपुर आइपुगेका छन् ।
दिउँसो ठीक १ बजेदेखि जनकपुरधामको तिरहुतिया गाछीमा ‘परिवर्तन उद्घोष सभा’ औपचारिक रूपमा प्रारम्भ हुने रास्वपाले जनाएको छ । सभामा लामिछाने र शाहसहित १२ जनाले सम्बोधन गर्ने बताइएको छ ।
यस सभामा पूर्व स्वतन्त्र सांसद अमरेश कुमार सिंहसहित विभिन्न चर्चित राजनीतिक व्यक्तित्वहरू रास्वपामा प्रवेश गर्ने कार्यक्रम समेत रहेको छ ।
तुलनात्मक रुपमा रास्वपाको मधेशमा कमजोर संगठन भएकाले मधेशबाटै परिवर्तनको सन्देश देशभर फैलाउन जनकपुरधाममा यो कार्यक्रम गर्न लागेको बताइएको छ ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)