थाइल्याण्डको राजपरिवारकी सदस्य सिनेनाथ बिलासकल्यानीद्धारा मायादेवी मन्दिर दर्शन

सेतोमसी
माघ १६, २०८२ शुक्रवार

थाइल्याण्डको राजपरिवारकी सदस्य सिनेनाथ बिलासकल्यानीद्धारा मायादेवी मन्दिर दर्शन

अ +
अ
अ -

लुम्बिनी । थाइल्याण्डको राजपरिवारकी सदस्य सिनेनाथ बिलासकल्यानी मायादेवी मन्दिर दर्शन गरेकी छन् । बुद्धको जीवन संग सम्बन्धित प्रमुख चार स्थानको भ्रमणमा निस्केकी उनि विहिबार लुम्बिनी आइपुगेकी थिइन् । उनलाई शुक्रबार लुम्बिनी विकास कोषका सदस्य सचिव दिपक श्रेष्ठ, सिद्धार्थ नगर नगरपालिका प्रमुख इश्तियाक अहमद खाँ र लुम्बिनी विकास कोषको योजना प्रमुख स्मिता भट्टले स्वागत गरेका थिए । उनि हिजो भारतको सुनौली नाका हुँदै लुम्बिनी आएकी हुन् ।

४१ वर्षीया बिलासकल्यानी थाई राजा महावजिरालङकोर्नकी श्रीमती हुन् । राजाले उनलाई शाही नोबल कन्सर्ट (अति विशिष्ट राजपरिवार सदस्य) उपाधि प्रदान गरेका छन् । त्यस्तै राजाले उनलाई भिक्षु भिक्षुणीलाई प्रदान गर्ने चौखुन फ्राको उपाधि पनि प्रदान गरेका छन् ।

७० सदस्यीय प्रतिनिधि मण्डलको प्रतिनिधिन्व गर्दै बुद्धले महापरिनिर्वाणको समयमा भनेको चार प्रमुख स्थल बोद्धगया, सारनाथ,कुशीनगर र लुम्बिनीको तीर्थाटनमा निस्केकी उनि भारतका तीन स्थाको दर्शन सकेर नेपाल आएकी हुन् ।